Samfélagsmiðlar

Setja skilyrði fyrir stuðningi við flugið

aircanada

Kanadíska ríkið eignast nú hlut í Air Canada á ný.

Það var fyrst í gær sem kanadísk stjórnvöld kynntu sérstakar aðgerðir til að styðja sérstaklega við fluggeirann þar í landi. Kanadísk flugfélög hafa vissulega notið góðs af almenntum úrræðum sem fyrirtækjum hafa staðið til boða í heimsfaraldrinum en hafa ekki fengið neina séraðstoð.

Nú hefur ríkisstjórn Kanada aftur á móti ákveðið að leggja Air Canada, stærsta flugfélagi landsins, til 5,4 milljarða kanadískra dollara. Sú upphæð nemur um 550 milljörðum íslenskra króna. Stærsti hluti upphæðarinnar er lánsfé en kanadíska ríkið mun einnig eignast hlut í flugfélaginu. Air Canada var einkavætt á níunda áratugnum.

Þak á launagreiðslur til stjórnenda

Það eru þó nokkur skilyrði sem ríkið setur fyrir fyrir lánveitingunni. Í fyrsta lagi verður Air Canada að endurgreiða farþegum flugmiða sem ekki hafa nýst vegna heimsfaraldursins. Einnig gerir ríkið kröfu um að flugfélagið hefji á ný flug til minni bæja og kaupi þrjátíu og þrjár Airbus A220 þotur. Þær eru framleiddar í Kanada enda voru þær upphaflega hluti af flugvélaframleiðslu kanadíska fyrirtækisins Bombardier.

Til viðbótar við þennan lista þá verður sett þak á greiðslur til stjórnenda Air Canada. Árslaun þeirra mega ekki fara upp fyrir 1 milljón kanadískra dollara á ári. Sú upphæð jafngildir um 100 milljónum kr.

Hafa sagt upp meira en helmingi starfsmanna

Samkvæmt frétt Bloomberg eiga kanadísk stjórnvöld í viðræðum við fleiri flugfélög í landinum um fjárhagslega aðstoð.

Í dag starfa fimmtán þúsund manns hjá Air Canada en félagð hefur sagt upp upp tuttugu þúsund starfsmönnum síðan heimsfaraldurinn hófst. Landamæri Kanada eru í raun lokuð en Air Canada gerir ráð fyrir að hefja flug til Íslands á ný í byrjun júlí.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …