Bandarísk sóttvarnaryfirvöld leggjast ekki gegn ferðum bólusettra Bandaríkjamanna út í heim. Að öllu óbreyttu getur þessi sístækkandi hópur því ferðast til Íslands frá og með næstu mánaðamótum án þess að fara í sóttkví.
Aftur á móti hefur ennþá ekki verið opnað fyrir ferðalög útlendinga til Bandaríkjanna. Því munu þær áætlunarferðir sem eru áformaðar milli Íslands og Bandaríkjanna í maí aðeins nýtast bandarískum þegnum eins og staðan er í dag.
Bæði Delta og Icelandair ætla að halda úti áætlunarflugi milli landanna tveggja í maí og samkvæmt talningu Túrista er nemur sætaframboðið 22.562 sætum. Er þá horft til þeirra sæta sem í boði eru frá Bandaríkjunum til Íslands.
Icelandair stendur undir um sex af hverjum tíu sætum eða rétt rúmlega fjórtán þúsund í heildina. Framboðið hjá Delta er 8489 sæti en félagið stefnir á að Íslandsflug frá New York, Boston og Minneapolis í maí.
Þotur Icelandair munu fljúga héðan reglulega til tveggja fyrrnefndu borganna auk þessa að bjóða upp á vikulegar ferðir til Seattle. Undir lok næsta mánaðar bætist svo við áætlunarflug til fleiri borga, t.d. til Chicago og Washington.
Í takt við það verður framboðið mest þegar líður á næsta maí eins og sjá má á grafinu hér fyrir neðan. Þannig er sjötíu prósent af sætunum í boði seinni hluta mánaðarins.