Samfélagsmiðlar

Fáar ferðir á dagskrá milli Íslands og Bretlands

London Piccadilly Julian LoveLondon and Partners

Flestar ferðirnar milli Íslands og Bretlands á næstu vikum eru til flugvallanna í nágrenni Lundúna eins og sjá má á töflunni hér fyrir neðan.

Frá og með mánudeginum 17. maí geta Englendingar ferðast til tólf landa án þess að fara í sóttkví við heimkomu. Ísland er eitt þeirra ríkja sem bresk stjórnvöld skilgreina sem grænt líkt og kynnt var í gær.

Spánn, Ítalía, Frakkland, Grikkland og fleiri lönd við Miðjarðarhafið, sem alla jafna njóta mikilla vinsælda hjá breskum túristum, eru hins vegar flokkuð sem gul. Þeir sem snúa til Englands eftir að hafa dvalið á gulu svæði verða að fara í tíu daga sóttkví. Það dregur því vafalítið úr áhuganum á ferðalögum til þeirra landa nú í sumarbyrjun.

Þessar nýju reglur gilda aðeins fyrir íbúa Englands en til að mynda þá sem búa í Skotlandi. Flug héðan til bæði Glasgow og Edinborg hefur líka legið niðri síðustu mánuði og mun gera það áfram næstu vikur.

Icelandair hefur aftur á móti haldið úti ferðum til Heathrow flugvallar í London í heimsfaraldrinum og á dagskrá félagsins eru sjö ferðir þangað frá 17. maí og til næstu mánaðamóta. Íslenska félagið er ekki með neinar brottfarir á boðstólum til Gatwick flugvallar, Manchester eða Glasgow fyrr en í júní.

Wizz Air stefnir á að hefja flug til Íslands á ný frá Luton flugvelli, í nágrenni London, í lok maí. Í framhaldinu er félagið með nokkuð tíðar ferðir á boðstólum í júní og júlí eins og sjá má á töflunni hér fyrir neðan.

British Airways gerir ennþá ekki ráð fyrir að taka upp þráðinn í Íslandsflugi sínu fyrr en í lok júní. Þotur félagsins munu svo að öllu óbreyttu taka stefnuna á Keflavíkurflugvöll nokkrum sinnum í viku í júlí.

Hjá easyJet er úrvalið af áætlunarflugi til Íslands í sumar um helmingi minna en það var sumarið 2019. Og munar um minna því easyJet er alla jafna eitt umsvifamesta erlenda flugfélagið á Keflavíkurflugvelli.

Nýtt efni

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …