Fella niður fyrstu ferðirnar til Barcelona

Um miðjan mars tilkynnti Icelandair að áætlunarflugi til Barcelona hefði verið bætt við sumaráætlunina. Þotur félagsins flugu síðast til borgarinnar sumarið 2017.

Ætlunin var að fljúga vikulega til Barcelona í sumar og fyrsta ferð auglýst þann 12. júní. Sú brottför er ekki lengur bókanleg á heimasíðu félagsins og það sama má segja um ferðirnar næstu tvo laugardaga á eftir, 19. og 26. júní.

Að öllu óbreyttu verður því fyrsta ferð Icelandair til Barcelona þann 3. júlí nk.

Spænska lágfargjaldaflugfélagið Vueling flýgur aftur á móti þessa dagana milli Íslands og Barcelona tvisvar sinnum í viku. Og þann 16. júlí er á dagskrá jómfrúarferð Play til borgarinnar.

Líkt og fram kom hér á síðum Túrista fyrir helgi þá hefur Icelandair skorið niður flugáætlun sína í júní um meira en helming frá því sem stefnt var að í vor. Ferðirnar til Barcelona í næsta mánuði eru hluti af þeim niðurskurði.

Ný þota væntanleg til Akureyrar í dag

Seinka varð flugi Niceair frá Kaupmannahöfn til Akureyrar í gær þar sem þotan sem félagið er með á leigu var kyrrsett vegna deilu leigusala og eigenda flugvélarinnar samkvæmt frétt Mbl. Þotunni var svo flogið tómri til Írlands seinnipartinn í gær en farþegar Niceair flugu til Akureyrar með annarri leiguvél. Á morgun er á dagskrá ferð … Lesa meira

Leigusali Niceair reddar SAS

Stór hluti af þotunum í flota SAS eru teknar á leigu og síðustu misseri hafa stjórnendur flugfélagsins stillt þessum leigusölum upp við vegg og beðið um betri kjör. Segja má að það halli á viðsemjendur flugfélagsins því SAS nýtur stuðnings bandarískra dómstóla í þessum aðgerðum sínum því félagið nú í svokölluðu Chapter-11 ferli. Skráðu þig … Lesa meira

Fyrsta ferð Play til Stokkhólms

Þrjú flugfélög halda úti daglegum ferðum til Kaupmannahafnar og Óslóar frá Keflavíkurflugvelli en Icelandair hefur hins vegar setið eitt að Stokkhólmi í langan tíma. Á því verður nú breyting því frá og með deginum í dag munu þotur Play taka stefnuna á Arlanda flugvöll, við höfuðborg Svíþjóðar, fjórum sinnum í viku. Icelandair flýgur alla daga … Lesa meira

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.