Samfélagsmiðlar

Loftbrú til Portúgals en engin viðbót í Íslandsflugi

Það er ekki að sjá á flugáætlunum að eftirspurn eftir Íslandsferðum frá Bretlandi hafi aukist nú í sumarbyrjun.

Bresk stjórnvöld tilkynntu í lok síðustu viku til hvaða tólf landa Englendingar geta ferðast til án þess að þurfa í sóttkví við heimkomuna. Heimastjórn Skotlands staðfesti svo þennan græna lista í gær en hann gildir frá og með næstkomandi mánudegi.

Vinsælir sumaráfangastaðir eins og Spánn, Ítalía og Grikkland eru ekki á listanum og því þurfa Bretar í tíu daga sóttkví þegar þeir snúa heima eftir að hafa dvalið í þessum löndum. Portúgal er hins vegar á græna listanum og síðustu daga hefur framboð á flugi til Lissabon og Faro, í suðurhluta Portúgals, frá Bretlandi margfaldast.

Ísland er líka á græna listanum en það eru engin merki um að framboð á flugi hingað frá Bretlandi hafi aukist eftir að bresk stjórnvöld kynntu ákvörðun sína fyrir helgi.

Ferðunum hefur reyndar fækkað síðustu daga því Icelandair hefur fellt niður allt flug til Gatwick flugvallar í útjaðri London í júní. Félagið gerir svo aðeins ráð fyrir fjórum ferðum til Manchester í næsta mánuði og fimm ferðum til Glasgow en áfram eru daglegar ferðir til Heathrow í London á dagskrá.

Stjórnendur British Airways hafa síðustu daga ekki haft undan að bæta við ferðum til Portúgal frá nokkrum enskum flugvöllum. Breska félagið heldur á sama tíma í fyrri plön um að hefja ekki flug til Íslands á ný fyrr en í lok júní.

Flugáætlun easyJet á Keflavíkurflugvelli í júní er álíka takmörkuð og hún var. Félagið stefnir nefnilega á helmingi færri ferðir til Íslands nú í sumar en sumarið 2019.

Wizz Air er svo fjórða félagið sem heldur úti flugi milli Íslands og Bretlands yfir sumarmánuðina. Og þar er staðan sú sama í dag og hún var í síðustu viku því ungverska lágfargjaldafélagið ætlar aðeins að fljúga hingað tvær til þrjár ferðir í viku í næsta mánuði.

Væntingar um að Bretar fjölmenni til Íslands nú í sumar eru þó vafalítið ekki mjög miklar í ferðageiranum. Bretar hafa nefnilega síðustu ár aðallega sótt í vetrarferðir til Íslands og til marks um það þá komu hingað 47 þúsund breskir ferðamenn í febrúar 2018. Yfir sumarmánuðina þrjá, þetta sama ár, voru bresku túristarnir samanlagt 42 þúsund.

Hylli Íslands sem vetraráfangastaðar var þó ekki svona fyrr en easyJet hóf að fljúga til Íslands allt árið um kring en það gerðist árið 2012. Árið 2011 komu þannig sjö þúsund ferðamenn hingað í febrúar en þeir voru nærri tuttugu þúsund yfir sumarmánuðina þrjá.

Þess má geta að Túristi hefur árangurslaust reynt að fá nánari skýringar frá forsvarsfólki erlendu flugfélaganna á takmörkuðu framboði á flugi hingað næstu vikur. Engin svör hafa fengist.

Nýtt efni

Íslandsstofa varar við því að ríkið verji minna fé til að kynna og auglýsa Ísland sem áfangastað. Þetta kemur fram í umsögn um tillögu til þingsályktunar um ferðamálastefnu og aðgerðaráætlun til 2030. Um leið og því er fagnað að breyta eigi verklagi þannig að fyrirsjáanleiki verði meiri við markaðssetningu landsins gagnvart neytendum þá bendir Íslandsstofa …

Nú fljúga þotur Easyjet tvær ferðir í viku frá London til Akureyrar og hefur þessari nýjung verið vel tekið af íbúum á Norðurlandi. Það eru nefnilega Íslendingar í meirihluta sætanna um borð sem skýrir afhverju gistinóttum Breta á norðlenskum hótelum hefur lítið fjölgað þrátt fyrir þessa samgöngubót. Fyrir stjórnendur Easyjet skiptir ekki máli hvort það …

Þýski bílaframleiðandinn Mercedes-Benz hefur greint frá því að rafbílnum Vision EQXX hafi á dögunum verið ekið rúmlega 1.000 kílómetra leið frá Riyadh til Dúbæ á einni hleðslu. Meðaleyðslan var 7.4 kílóvattstundir á 100 km. leið. Þetta samsvarar því að bensínbíll eyddi um 0.9 lítrum á 100 km. Ökuleið Vision EQXX lá að sögn framleiðandans um …

„Metnaðurinn hjá hópnum er einstakur og það eru lífsgæði að starfa með jafn öflugu fólki og hér er að finna hjá Play,“ sagði Birgir Jónsson, forstjóri flugfélagsins, í tilkynningu um síðustu mánaðamót. Nú liggur fyrir að Birgir mun kveðja samstarfsfólk sitt um næstu mánaðamót, nokkrum dögum fyrir þriggja ára starfsafmæli sitt hjá Play. Frá þessu …

Nefnd Alþjóðasiglingamálastofnunarinnar (IMO) sem fjallar um verndun sjávar hóf vikulanga fundalotu í London í morgun þar sem m.a. verður rætt um aðgerðir til að draga úr losun CO2 frá kaupskipaflota heimsins. Vinnuhópur hefur fjallað um þau mál síðustu daga. IMO er stofnun Sameinuðu þjóðanna sem ber ábyrgð á öryggi og vernd skipa og vörnum gegn …

Í tilkynningu sem ráðuneyti sem fer með ríkiskaup Póllands sendi um helgina kemur fram að LOT standi nú frammi fyrir þeirri ákvörðun að halda sig við flugvélar brasilíska framleiðandans Embraer fyrir skemmri flugleiðir eða velja frekar vélar frá Airbus í Frakklandi. Leitað verður til beggja framleiðenda og þeir beðnir um tilboð í smíði 84 flugvéla …

Loftmengun hefur minnkað í Evrópu á síðustu 20 árum, samkvæmt nýrri spænskri rannsókn. Þrátt fyrir þetta sýnir rannsóknin líka að loftmengun víðast hvar í Evrópu er enn yfir heilsufarsmörkum.  Í rannsókninni, sem birtist í Nature, voru mengunartölur skoðaðar á 1.400 svæðum, innan 35 ríkja, þar sem 543 milljónir manns búa.  Þrátt fyrir að enn sé …

„Á tiltölulega skömmum tíma er orðið til öflugt íslenskt lággjaldaflugfélag með framúrskarandi vöru og þjónustu og bjarta framtíð. Virk samkeppni í flugi sem skilar sér í lægri fargjöldum, fjölbreyttum áfangastöðum og verðmætum erlendum gestum er sérstaklega mikilvæg fyrir eyju eins og okkar. Slík samkeppni varðar hagsmuni allra Íslendinga. Ég geng þess vegna ákaflega stoltur frá …