Samfélagsmiðlar

Segir vinnubrögð ASÍ óskiljanleg

Birgir Jónsson er forstjóri Play.

Miðstjórn Alþýðusambands Íslands sendi frá sér harðorða ályktun seinni partinn í dag þar sem landsmenn eru hvattir til að sniðganga Play vegna kjarasamnings flugfélagsins við Íslenska flugstéttafélagið. Samkvæmt útreikningum ASÍ þá kveður samningurinn á um lægri laun til flugfreyja og -þjóna en þekkist á íslenskum vinnumarkaði.

Spurður um viðbrögð við þessari ályktun ASÍ þá segir Birgir Jónsson, forstjóri Play, að hann vísi henni algerlega til föðurhúsanna. „Við erum stolt og sátt við þann samning sem okkar starfsemi byggir á,“ bætir hann við.

Birgir tekur fram að ASÍ hafi ekki komið og hitt forsvarsfólk Play né leitað til Íslenska flugstéttafélagsins til að fá svör. Þess í stað sé öllu slegið upp í fjölmiðlum. „Óskiljanleg vinnubrögð,“ segir forstjórinn. 

Samkvæmt samanburði sem Viðskiptablaðið birti fyrr í dag, á lægstu launum flugfreyja Play og Icelandair, þá verða kjörin hjá því fyrrnefnda hærri. Öfugt við það sem fram kemur í útreikningum ASÍ.

Birgir segir aðspurður að hann hafi ekki séð samning Icelandair, sem Viðskiptablaðið vísar í, enda væri það óeðlilegt að hans mati. Hann segir þó að ef útreikningar blaðsins séu réttir þá sé það algjör hneysa að ASÍ ráðist með fyrrgreindum hætti að fyrirtæki sem sé að skapa hundruð nýrra starfa í íslenskri ferðaþjónustu.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …