Apríl í fyrra var fyrsti heili mánuðurinn þar sem áhrifa heimsfaraldursins gætti. Af þeim sökum sýna farþegatölur flugfélaga fyrir nýliðinn apríl fram á jákvæða þróun þó ennþá sé farþegafjöldinn og framboðið langt frá því sem var.
Og til marks um það er hversu lág sætanýtingin er í dag þá var hún aðeins á bilinu 26 til 42 prósent hjá norrænu alþjóðaflugfélögunum fjórum eins og sjá má hér fyrir neðan.
Hlutfallslega fjölgaði farþegum Icelandair meira en hjá hinum flugfélögunum. Aftur á móti var framboðsaukningin mest hjá SAS en í því samhengi verður að hafa í huga að flugfélagið er stórtækt í innanlandsflugi í þremur löndum. Icelandair skilur hins vegar að umsvifin í innanlands- og millilandaflugi í sínum mánaðarlegu uppgjörum.