Samfélagsmiðlar

Umframeftirspurn eftir hlutabréfum Norwegian

Þrátt fyrir neikvæða afkomu síðustu ár og skakkaföll þá eru fjárfestar ennþá reiðubúnir til að leggja fé í rekstur Norwegian.

Enn einu hlutafjárútboðinu hjá Norwegian lauk fyrir helgi og þar söfnuðust 6 milljarðar norskra króna. Það jafngildir um 91 milljarðri íslenskra króna en félagið hefur ítrekað þurft að leita eftir meira fé hjá hluthöfum og fjárfestum síðustu ár.

Rekstrarerfiðleikar flugfélagsins eiga sér nefnilega mun lengri sögu en Covid-19 en í því samhengi má hafa í huga að félagið hefur verið mjög óheppið með þær flugvélar sem keyptar hafa verið af Boeing. Hreyflarnir á hinum langdrægu Dreamliner þotum hafa verið til vandræða og svo voru MAX þoturnar kyrrsettar í nærri tvö ár.

Það voru sex svokallaðir kjölfestufjárfestar sem keyptu um helming af því hlutafé sem boðið var í útboðinu í síðust viku. Og í þeim hópi eru norska fjármálastofnanir en líka fjárfestingafélög sem tengjast forríkum norskum fjölskyldum.

Norwegian áformar að hefja flug til Íslands á ný í næsta mánuði en núna aðeins frá Ósló. Starfsstöðvum Norwegian hefur verið lokað en stjórnendur Norwegian segja ekki útiloka að reksturinn á flugvellinum á Alicante verði settur í gang á ný á næsta ári.

Hvort það verði til þess að félagið hefja Íslandsflug á ný frá Spáni á eftir að koma í ljós.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …