Samfélagsmiðlar

Eignast stóran hlut í Nordic Visitor

Gunnar Páll Tryggvason er framkvæmdastjóri Alfa Framtak.

Gengið var frá kaupum Nordic Visitor á Iceland Travel í lok síðustu viku. Kaupverðið var 1,4 milljarðar króna og það er fjárfestingasjóðurinn Alfa Framtak sem kemur að kaupunum með Nordic Visitor.

Síðast þegar Icelandair seldi ferðaskrifstofur út úr samsteypunni þá fór félagið í samkeppni við kaupandann tveimur árum eftir að kaupin gengu í gegn. Gunnar Páll Tryggvason, framkvæmdastjóri Alfa Framtak, ræðir hér möguleikan á að stjórnendur Icelandair leiki sama leik á ný og hversu stóran hlut Alfa Framtak eignast í Nordic Visitor.

„Við eignumst 26 prósent í Nordic Visitor við kaupin á Iceland Travel. Við höfum mikla trú á stjórnendum Nordic Visitor enda fer gott orð af þeim, bæði meðal birgja og viðskiptavina. Þessi viðskipti eru þó gerð með fyrirvara um að Samkeppniseftirlitið samþykki samruna Nordic Visitor og Iceland Travel,“ segir Gunnar Páll.

Hann segir að félögin verði rekin sem aðskilin fyrirtæki enda starfa þau á ólíkum sviðum. „Iceland Travel er á fyrirtækjamarkaði á meðan Nordic Visitor selur ferðir sínar beint til einstaklinga. Það eru þó viss samlegðaráhrif en með kaupunum verður til sterkara og öflugra fyrirtæki í ferðaþjónustu,“ útskýrir hann.

Spurður hvort til greina komi að bæta við ferðaþjónustufyrirtækjum á öðrum sviðum, t.d. gistingu og afþreyingu, við fyrirtækið þá segir Gunnar Páll það ekki útilokað en ekkert þess háttar sé til skoðunar núna.

FL-Group, þáverandi móðurfélag Icelandair, seldi Ferðaskrifstofu Íslands, árið 2006 en fór svo í samkeppni við kaupandann tveimur árum síðar með stofnun ferðaskrifstofunnar Vita.

Óttast þú að Icelandair taki upp á álíka nú og fari í samkeppni við ykkur eftir nokkur ár? 

„Nei, það var tekin stefnumarkandi ákvörðun innan Icelandair samsteypunnar um að einblína á flugrekstur og við gerum ráð fyrir að það standist. Við teljum okkur vera að kaupa gott fyrirtæki með færu starfsfólki og verðmætum viðskiptasamböndum.“ 

Er eitthvað í samningunum sem tryggir að Icelandair geti ekki leikið sama leik og síðast?

„Þetta er viðeigandi spurning en það voru gerðir ítarlegir samningar um kaupin og ég hef ekki heimild vegna trúnaðarákvæða að fara nánar út í þessi atriði,“ segir Gunnar Páll að lokum.

Þess má geta að Icelandair á ennþá ferðaskrifstofuna Vita og er sá rekstur skilgreindur sem flugrekstur af stjórnendum félagsins.

Nýtt efni

„Metnaðurinn hjá hópnum er einstakur og það eru lífsgæði að starfa með jafn öflugu fólki og hér er að finna hjá Play,“ sagði Birgir Jónsson, forstjóri flugfélagsins, í tilkynningu um síðustu mánaðamót. Nú liggur fyrir að Birgir mun kveðja samstarfsfólk sitt um næstu mánaðamót, nokkrum dögum fyrir þriggja ára starfsafmæli sitt hjá Play. Frá þessu …

Nefnd Alþjóðasiglingamálastofnunarinnar (IMO) sem fjallar um verndun sjávar hóf vikulanga fundalotu í London í morgun þar sem m.a. verður rætt um aðgerðir til að draga úr losun CO2 frá kaupskipaflota heimsins. Vinnuhópur hefur fjallað um þau mál síðustu daga. IMO er stofnun Sameinuðu þjóðanna sem ber ábyrgð á öryggi og vernd skipa og vörnum gegn …

Í tilkynningu sem ráðuneyti sem fer með ríkiskaup Póllands sendi um helgina kemur fram að LOT standi nú frammi fyrir þeirri ákvörðun að halda sig við flugvélar brasilíska framleiðandans Embraer fyrir skemmri flugleiðir eða velja frekar vélar frá Airbus í Frakklandi. Leitað verður til beggja framleiðenda og þeir beðnir um tilboð í smíði 84 flugvéla …

Loftmengun hefur minnkað í Evrópu á síðustu 20 árum, samkvæmt nýrri spænskri rannsókn. Þrátt fyrir þetta sýnir rannsóknin líka að loftmengun víðast hvar í Evrópu er enn yfir heilsufarsmörkum.  Í rannsókninni, sem birtist í Nature, voru mengunartölur skoðaðar á 1.400 svæðum, innan 35 ríkja, þar sem 543 milljónir manns búa.  Þrátt fyrir að enn sé …

„Á tiltölulega skömmum tíma er orðið til öflugt íslenskt lággjaldaflugfélag með framúrskarandi vöru og þjónustu og bjarta framtíð. Virk samkeppni í flugi sem skilar sér í lægri fargjöldum, fjölbreyttum áfangastöðum og verðmætum erlendum gestum er sérstaklega mikilvæg fyrir eyju eins og okkar. Slík samkeppni varðar hagsmuni allra Íslendinga. Ég geng þess vegna ákaflega stoltur frá …

Hvað varð um Graham Potter? spyrja margir fótboltaunnendur nú þegar liðið er næstum eitt ár síðan þessi listhneigði fótboltaþjálfari stjórnaði fótboltaliði frá hliðarlínunni. Chelsea var síðasti áfangastaður Potters en þaðan var hann rekinn þann 2. apríl árið 2023 eftir aðeins sjö mánuði í starfi. Potter mætti til Chelsea fullur af bjartsýni eftir glæsislegan þjálfaraferil í …

Skýrslan Policy tools for sustainable and healthy eating - Enabling a food transition in the Nordic countries er unnin í kjölfar útgáfu Norrænna næringarráðleggina (Nordic Nutrition Recommendations) árið 2023 sem var afrakstur fimm ára vinnu hundruða sérfræðinga um ráðlagðar matarvenjur og næringu fólks á Norðurlöndunum og í Eystrasaltsríkjunum. Sú útgáfa hlaut mikla athygli enda í …

Bílaleigan Hertz stóð tæpt í lok heimsfaraldursins og þá tók forstjórinn Stephen Scherr þá djörfu ákvörðun að panta 100 þúsund bíla frá Tesla. Með þessu átti Hertz verða leiðandi í útleigu á rafbílum og vöktu viðskiptin mikla athygli. Ekki leið á löngu þar til Tesla hafði lækkað verðið á nýjum bílum umtalsvert og um leið …