Flugið frá Grænhöfðaeyjum að hefjast á ný

Nú í heimsfaraldrinum hefur starfsemi Cabo Verde Airlines að mestu legið niðri en það eru íslenskir fjárfestar sem fara fyrir meirihluta í þessu fyrrum ríkisflugfélagi Grænhöfðaeyja.

Þann 18. júní hefst hins vegar áætlunarflug Cabo Verde Airlines á nýjan leik og til að byrja með verður flogið vikulega frá eyjunni Sal til Lissabon.

Í lok júní fjölgar ferðunum til höfuðborgar Portúgal og þá munu þotur félagsins á ný taka stefnuna á Boston og París en Cabo Verde Airlines hélt úti flugi til fjögurra heimsálfa fyrir Covid-19.

Í tilkynningu er haft eftir Erlendi Svavarssyni, forstjóra flugfélagsins, að það sé ánægjulegt að geta loksins hafið viðspyrnu ferðaþjónustu Grænhöfðaeyja eftir langan og erfiðan heimsfaraldur.

Líkt og Túristi greindi frá í vetur þá fékk fjármálaráðherra Grænhöfðaeyja heimild í mars sl. til að veita Cabo Verde Airlines ríkislán upp á allt að sextán milljónir evra. Sú upphæð jafngildir nærri 2,4 milljörðum króna á gengi dagsins í dag.

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira