Nú eru nærri sex vikur liðnar frá því að tilkynnt var að Eva Sóley Guðbjörnsdóttir, sem gegnt hefur stöðu framkvæmdastjóra fjármála Icelandair Group, hefði óskað eftir að láta af störfum hjá félaginu.
Við stöðu Evu Sóleyjar tók Ívar Sigurður Kristinsson en sú ráðstöfun var sögð tímabundin í tilkynningu.
Ennþá liggur þó ekki liggur fyrir hvort staða framkvæmdastjóra fjármála Icelandair samteypunnar verði auglýst eða Ívar ráðinn til frambúðar. Þetta kemur fram í svörum frá flugfélaginu við fyrirspurn Túrista.
Ívar hefur á undanförnum árum starfað hjá Icelandair, meðal annars sem framkvæmdastjóri flotamála og leiðakerfis félagsins og þar áður sem stjórnandi á fjármálasviði. Hann fór hins vegar úr framkvæmdastjórn félagsins þegar fækkað var í henni í upphafi Covid-19 faraldursins.