Samfélagsmiðlar

Icelandair hleypir Play á undan sér til Barcelona

Frá Barceloneta ströndinn í Barcelona.

Ein vinsælasta ferðamannaborg Evrópu, Barcelona, hefur ekki skipað stóran sess í leiðakerfi Icelandair. Þau sumur sem félagið hefur flogið til borgarinnar hafa umsvifin takmarkst við eina brottför í viku. Á sama tíma hafa flugfélög eins og Vueling, Norwegian og Wow Air haldið úti tíðum ferðum til Barcelona frá Keflavíkurflugvelli og sum allt árið um kring.

Nú í mars tilkynnti Icelandair að stefnt væri á áætlunarflug til spænsku borgarinnar á nýjan leik en þangað hafa þotur félagsins ekki flogið síðan í lok sumars 2017.

Ætlunin var að fljúga fyrstu ferðina til Barcelona nú á morgun, 12. júní, en því var svo seinkað til 3. júlí. Og nú verður beðið með fyrstu brottför til 24. júlí. Samkvæmt svörum frá Icelandair er skýringin á seinkuninni sú að aðlaga þarf flugframboðið að eftirspurn.

Þessi breyting á sumaráætlun Icelandair gerir það að verkum að Play verður á undan keppinautnum til spænsku borgarinnar. Fyrsta ferð Play til El Prat flugvallar er nefnilega á dagskrá föstudaginn 16. júlí.

Farmiði í þá ferð kostar í dag 15.744 krónur á meðan fargjaldið í fyrstu ferð Icelandair, viku síðar, kostar 24.915. Í þeim samanburði verður þó að hafa í huga að farþegar Icelandair geta tekið með sér meiri handfarangur um borð án þess að borga aukalega.

Nýtt efni

„Metnaðurinn hjá hópnum er einstakur og það eru lífsgæði að starfa með jafn öflugu fólki og hér er að finna hjá Play,“ sagði Birgir Jónsson, forstjóri flugfélagsins, í tilkynningu um síðustu mánaðamót. Nú liggur fyrir að Birgir mun kveðja samstarfsfólk sitt um næstu mánaðamót, nokkrum dögum fyrir þriggja ára starfsafmæli sitt hjá Play. Frá þessu …

Nefnd Alþjóðasiglingamálastofnunarinnar (IMO) sem fjallar um verndun sjávar hóf vikulanga fundalotu í London í morgun þar sem m.a. verður rætt um aðgerðir til að draga úr losun CO2 frá kaupskipaflota heimsins. Vinnuhópur hefur fjallað um þau mál síðustu daga. IMO er stofnun Sameinuðu þjóðanna sem ber ábyrgð á öryggi og vernd skipa og vörnum gegn …

Í tilkynningu sem ráðuneyti sem fer með ríkiskaup Póllands sendi um helgina kemur fram að LOT standi nú frammi fyrir þeirri ákvörðun að halda sig við flugvélar brasilíska framleiðandans Embraer fyrir skemmri flugleiðir eða velja frekar vélar frá Airbus í Frakklandi. Leitað verður til beggja framleiðenda og þeir beðnir um tilboð í smíði 84 flugvéla …

Loftmengun hefur minnkað í Evrópu á síðustu 20 árum, samkvæmt nýrri spænskri rannsókn. Þrátt fyrir þetta sýnir rannsóknin líka að loftmengun víðast hvar í Evrópu er enn yfir heilsufarsmörkum.  Í rannsókninni, sem birtist í Nature, voru mengunartölur skoðaðar á 1.400 svæðum, innan 35 ríkja, þar sem 543 milljónir manns búa.  Þrátt fyrir að enn sé …

„Á tiltölulega skömmum tíma er orðið til öflugt íslenskt lággjaldaflugfélag með framúrskarandi vöru og þjónustu og bjarta framtíð. Virk samkeppni í flugi sem skilar sér í lægri fargjöldum, fjölbreyttum áfangastöðum og verðmætum erlendum gestum er sérstaklega mikilvæg fyrir eyju eins og okkar. Slík samkeppni varðar hagsmuni allra Íslendinga. Ég geng þess vegna ákaflega stoltur frá …

Hvað varð um Graham Potter? spyrja margir fótboltaunnendur nú þegar liðið er næstum eitt ár síðan þessi listhneigði fótboltaþjálfari stjórnaði fótboltaliði frá hliðarlínunni. Chelsea var síðasti áfangastaður Potters en þaðan var hann rekinn þann 2. apríl árið 2023 eftir aðeins sjö mánuði í starfi. Potter mætti til Chelsea fullur af bjartsýni eftir glæsislegan þjálfaraferil í …

Skýrslan Policy tools for sustainable and healthy eating - Enabling a food transition in the Nordic countries er unnin í kjölfar útgáfu Norrænna næringarráðleggina (Nordic Nutrition Recommendations) árið 2023 sem var afrakstur fimm ára vinnu hundruða sérfræðinga um ráðlagðar matarvenjur og næringu fólks á Norðurlöndunum og í Eystrasaltsríkjunum. Sú útgáfa hlaut mikla athygli enda í …

Bílaleigan Hertz stóð tæpt í lok heimsfaraldursins og þá tók forstjórinn Stephen Scherr þá djörfu ákvörðun að panta 100 þúsund bíla frá Tesla. Með þessu átti Hertz verða leiðandi í útleigu á rafbílum og vöktu viðskiptin mikla athygli. Ekki leið á löngu þar til Tesla hafði lækkað verðið á nýjum bílum umtalsvert og um leið …