Fyrsta áætlunarflug Play er á dagskrá á fimmtudaginn og er ferðinni heitið til Stansted flugvallar í London. Þrjú önnur flugfélög bjóða upp á ferðir til bresku höfuðborgarinnar þennan sama dag.
Icelandair og British Airways fljúga til Heathrow og easyJet til Gatwick. Miðar í þessar ferðir hafa verið í sölu mun lengur í sölu en hjá hinu nýja íslenska flugfélagi en þar á bæ er flugmiðinn miklu ódýrari en hjá hinum. Sæti í jómfrúarferðina kostar nefnilega aðeins 6.500 krónur.
Icelandair rukkar aftur á móti 36.315 krónur fyrir sætið í sína ferð á fimmtudaginn og farið hjá easyJet er á 17.923 krónur. Langdýrustu miðarnir eru hins vegar hjá British Airways því borga þarf 56.565 krónur fyrir miða á ódýrasta farrými.
Hjá öllum fjórum flugfélögum er innritaður farangur ekki innifalinn í farmiðaverðinu. Þess má svo geta að fargjöldin hér að ofan miðast við að keyptur sé miði sem gildir báðar leiðir.