Samfélagsmiðlar

Tengiflug Icelandair áfram í dvala eða ferðamenn færri en bankarnir spáðu

FLUGUMFERÐIN ER AÐ AUKAST HRATT ÞESSA DAGANA EN ÞAÐ ERU SÁRAFÁIR SKIPTIFARÞEGAR Í ÞOTUNUM SEM HINGAÐ KOMA. ÖFUGT VIÐ ÞAÐ SEM VAR FYRIR COVID-19.

Isavia reiknar með að tvær milljónir farþega fari um Keflavíkurflugvöll í ár. Þetta fram í fréttum Stöðvar 2. Hópurinn var síðast svona fámennur árið 2010. Það er árið sem Eyjafjallajökull gaus og stöðvaði flugumferð hér á landi og víða út í heimi.

Hingað komu 459 þúsund ferðamenn árið 2010. Spár íslensku bankanna og Seðlabankans gera aftur á móti ráð fyrir 600 til 800 þúsund erlendum ferðamönnum í ár.

Ef spárnar eiga að ganga eftir, samhliða áætlun Isavia um 2 milljónir farþega, þá þarf hlutfall Íslendinga á Keflavíkurflugvellir að vera óvenju lágt eða skiptifarþegarnir sárafáir.

Ástæðan fyrir því er sú staðreynd að hver ferðamaður kemur tvisvar fyrir í farþegatalningu Isavia. Fólk er talið þegar það lendir á Keflavíkurflugvelli og aftur þegar haldið er af landi brott. 459 þúsund ferðamenn eru því í raun 918 þúsund farþegar.

600 til 800 þúsund ferðamenn jafngilda þá 1,2 til 1,6 milljón farþega eða allt að 80 prósent af þeim fjölda farþega sem Isavia telur að muni fara um Leifsstöð í ár.

Svo hátt hlutfall erlendra ferðamanna er óraunhæft, meðal annars vegna ásóknar Íslendinga í utanlandsferðir á seinni hluta þessa árs. Árið 2010 voru Íslendingar um þrjátíu prósent farþega á Keflavíkurflugvelli. Verði vægi þeirra álíka hátt í ár, á sama tíma og ferðamannhópurinn verður í takt við spár bankanna, þá er lítið pláss fyrir skiptifarþega innan tveggja milljóna marksins.

Fjöldi skiptifarþega er líka ennþá stórt spurningamerki því bandarísk og kanadísk landamæri eru ennþá lokuð ferðamönnum.

Skiptifarþegar hafa hins vegar verið stór hluti af farþegum Icelandair eða allt að helmingur síðustu ár. Árið 2010 var hlutfallið 38 prósent en þá nýtti ein og hálf milljón farþega sér ferðir Icelandair. Félagið reiknar með að þeir verði 1,4 milljónir í ár samkvæmt því sem fram kom áætlun sem lögð var fram í tengslum við hlutafjárútboð flugfélagsins sl. haust.

Þeirri tölu nær félagið ekki ef ferðamenn verða 800 þúsund í ár á sama tíma og farþegafjöldinn á Keflavíkurflugvelli verður í takt við spá Isavia. Samkeppnin um ferðamennina er nefnilega miklu meiri en hún var árið 2010 og markaðshlutdeild Icelandair hefur dalað mikið síðan þá.

Nýtt efni

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …