Ennþá er ferðamönnum ekki hleypt inn fyrir bandarísk landamæri og framboð á millilandaflugi til og frá Bandaríkjunum er því ennþá mjög takmarkað.
Engu að síður fóru fleiri farþegar í gegnum vopnaleitina á bandarískum flugvöllum þann 1. júlí í ár en á sama degi árið 2019 eins og sjá má í tístinu hér að neðan frá talsmanni Bandarísku flugöryggisstofnunarinnar.
Eftirspurn eftir innanlandsflugi í Bandaríkjunum hefur verið mikil síðustu vikur og er sérstaklega mikil núna þegar þjóðhátíðardagur Bandaríkjanna er á sunnudegi eins og tölurnar hér að neðan bera vott um. En þrátt fyrir að erlendir ferðamenn fái ekki að heimsækja Bandaríkin þá fá bólusettir íbúar landsins að fara út í heim án þess að þurfa í sóttkví við heimkomuna.
BREAKING NEWS: @TSA screened 2,147,090 people at airport security checkpoints nationwide yesterday, Thursday, July 1. Ready for this? It surpassed the 2019 checkpoint volume for the same day, which was 2,088,760. So get to the airport early if you’re flying and #MaskUp.
— Lisa Farbstein, TSA Spokesperson (@TSA_Northeast) July 2, 2021