Samfélagsmiðlar

Leggja ennþá engan virðisaukaskatt á farmiðana frá Leifsstöð

Nú eru hafnar á nýjan leik sætaferðir á vegum þriggja fyrirtækja milli Flugstöðvar Leifs Eiríkssonar og höfuðborgarinnar. Og sem fyrr leggja tvö þeirra, Kynnisferðir og Gray Line, virðisaukaskatt ofan á farmiðaverðið á meðan Reykjavík Sightseeing gerir það ekki.

Björn Ragnarsson, forstjóri Kynnisferða, sem rekur Flugrútuna, vakti máls á þessu ósamræmi í febrúar í fyrra líkt og Vísir greindi frá. Í kjölfarið óskuðu forsvarsmenn Gray Line, sem rekur Airport Express, eftir umsögn Skattsins á því hvort sætaferðir frá Keflavíkurflugvelli væru undanþegnar virðisaukaskatti eða ekki.

Og Þórir Garðarsson, stjórnarformaður Gray Line, segir ekki hægt að skilja álit Skattsins nema á þann veg að aksturinn sé virðisaukaskattsskyldur.

„Við höfum kallað eftir upplýsingum um hvort eitthvað hafi breyst en engin svör hafa borist frá Skattinum þrátt fyrir ítrekun. Á meðan engar tilkynningar um breytta afstöðu berast frá Skattinum þá stendur úrskurðurinn frá því fyrir ári síðan,“ segir Þórir í svari til Túrista.

Hann segir Gray Line því innheimta og skila virðisaukaskatti af farmiðasölu vegna akstur til og frá Keflavíkurflugvelli og öllum öðrum leiðum þar sem fyrirtækið er með reglubundnar ferðir ár.

„Það er líka skýrt tekið fram í áliti meirihluta efnahags- og viðskiptanefndar Alþingis, við setningu undanþáguákvæðis almenningssamgangna i virðisaukaskattslögum, að aðkoma hins opinbera með einum eða öðrum hætti marki sérstöðu þeirra fólksflutninga sem lagt var til að eftirleiðis yrðu undanþegnir virðisaukaskatti. Það er flestum ljóst að opinberir aðilar eiga enga aðkomu að skipulögðum ferðum einkaaðila sem eru í mikilli samkeppni á þessari leið milli Keflavíkurflugvallar og Reykjavíkur,“ bendir Þórir á.

Túristi hefur óskað eftir skýringu frá Reykjavik Sightseeing, sem rekur Airport Direct, á því að enginn virðisaukaskattur er innheimtur af akstri fyrirtækisins milli Keflavíkurflugvallar og Reykjavíkur. Engin svör hafa borist.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …