Opna loks kanadísk landamæri

Allt frá því að Covid-19 heimsfaraldurinn braust út í mars í fyrra þá hefur ferðamönnum ekki verið leyft að heimsækja Kanada. En núna þegar þrír af hverjum fjórum íbúum hafa fengið sína fyrri bólusetningu þá ætla stjórnvöld hins vegar að opna landið að nýju.

Til að byrja með þó aðeins fyrir nágrönnunum sínum því þann 9. ágúst fá bólusettir íbúar Bandaríkjanna að stíga fæti inn fyrir landamærin. Mánuði síðar, þann 7. september, verður Kanada svo opnað fyrir öllum þeim sem hafa verið bólusettir og geta sýnt fram á neikvæðar niðurstöður úr nýju Covid-19 prófi. Þetta kemur fram í tilkynningu sem kanadísk stjórnvöld birtu í gær.

Þar með ætti Icelandair loks að geta hafið flug til Kanada á ný en fyrir heimsfaraldur voru umsvif félagsins verulega þar í landi. Sumaráætlun Icelandair gerði þó aðeins ráð fyrir ferðum til Toronto og Vancouver en áður flugu þotur félagsins líka til Montreal og Edmonton. Ferðirnar til Halifax duttu upp fyrir sumarið 2019.

Samkvæmt heimasíðu Icelandair þá er fyrsta ferð félagsins til Toronto á dagskrá þann 4. ágúst. En líkt og fyrr segir þá fá Evrópubúar í fyrsta lagi að heimsækja Kanada þann 7. september. Þar með má reikna með breytingum á núverandi áætlun Icelandair.

Líkt og Túristi fjallaði um nýverið þá gæti svo farið að fjögur flugfélög bjóði upp á áætlunarflug milli Íslands og Kanada næsta sumar.

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira