Samfélagsmiðlar

Reyna að fá þotu Loftleiða tilbaka

Boeing 757-200 þotan sem tilheyrir Icelandair Group en er nú í flota Cabo Verde Airlines.

Stjórnvöld á Grænhöfðaeyjum þjóðnýttu flugfélagið Cabo Verde Airlines fyrr í þessum mánuði. Þar með missti dótturfélag Icelandair Group 36 prósent hlut sinn í flugfélaginu og 15 prósent hlutur hóps íslenskra fjárfesta var jafnframt tekinn yfir.

Starfsemi Cabo Verde Airlines liggur þó ennþá niðri en í flugflota félagsins eru í dag eru aðeins tvær Boeing 757 þotur. Önnur þeirra er í eigu erlends leigufyrirtækis og er sú staðsett í Bandaríkjunum.

Eina vélin sem Cabo Verde Airlines hefur því aðgang að í dag er þota sem er í eigu Loftleiða, dótturfélags Icelandair Group. Og samkvæmt svörum frá Icelandair Group þá stendur nú yfir vinna við að koma þotunni í hendur eigenda sinna á ný.

Þotan sem um ræðir bar nafnið Eyjafjallajökull þegar hún var í flota Icelandair en félagið keypti hana nýja árið 1990. Hún er því 31 árs gömul í dag en var flutt yfir til Cabo Verde Airlines í tengslum við fjárfestingu Loftleiða og íslenskra fjárfesta í flugfélaginu í ársbyrjun 2019.

Þotan sem um ræðir var flutt til Íslands í mars síðastliðnum en svo flogið út til Grænhöfðaeyja á ný í apríl. Þar hefur hún svo farið í þjálfunarflug milli flugvalla á eyjaklasanum líkt og Túristi greindi frá fyrr í sumar.

Nýtt efni

„Metnaðurinn hjá hópnum er einstakur og það eru lífsgæði að starfa með jafn öflugu fólki og hér er að finna hjá Play,“ sagði Birgir Jónsson, forstjóri flugfélagsins, í tilkynningu um síðustu mánaðamót. Nú liggur fyrir að Birgir mun kveðja samstarfsfólk sitt um næstu mánaðamót, nokkrum dögum fyrir þriggja ára starfsafmæli sitt hjá Play. Frá þessu …

Nefnd Alþjóðasiglingamálastofnunarinnar (IMO) sem fjallar um verndun sjávar hóf vikulanga fundalotu í London í morgun þar sem m.a. verður rætt um aðgerðir til að draga úr losun CO2 frá kaupskipaflota heimsins. Vinnuhópur hefur fjallað um þau mál síðustu daga. IMO er stofnun Sameinuðu þjóðanna sem ber ábyrgð á öryggi og vernd skipa og vörnum gegn …

Í tilkynningu sem ráðuneyti sem fer með ríkiskaup Póllands sendi um helgina kemur fram að LOT standi nú frammi fyrir þeirri ákvörðun að halda sig við flugvélar brasilíska framleiðandans Embraer fyrir skemmri flugleiðir eða velja frekar vélar frá Airbus í Frakklandi. Leitað verður til beggja framleiðenda og þeir beðnir um tilboð í smíði 84 flugvéla …

Loftmengun hefur minnkað í Evrópu á síðustu 20 árum, samkvæmt nýrri spænskri rannsókn. Þrátt fyrir þetta sýnir rannsóknin líka að loftmengun víðast hvar í Evrópu er enn yfir heilsufarsmörkum.  Í rannsókninni, sem birtist í Nature, voru mengunartölur skoðaðar á 1.400 svæðum, innan 35 ríkja, þar sem 543 milljónir manns búa.  Þrátt fyrir að enn sé …

„Á tiltölulega skömmum tíma er orðið til öflugt íslenskt lággjaldaflugfélag með framúrskarandi vöru og þjónustu og bjarta framtíð. Virk samkeppni í flugi sem skilar sér í lægri fargjöldum, fjölbreyttum áfangastöðum og verðmætum erlendum gestum er sérstaklega mikilvæg fyrir eyju eins og okkar. Slík samkeppni varðar hagsmuni allra Íslendinga. Ég geng þess vegna ákaflega stoltur frá …

Hvað varð um Graham Potter? spyrja margir fótboltaunnendur nú þegar liðið er næstum eitt ár síðan þessi listhneigði fótboltaþjálfari stjórnaði fótboltaliði frá hliðarlínunni. Chelsea var síðasti áfangastaður Potters en þaðan var hann rekinn þann 2. apríl árið 2023 eftir aðeins sjö mánuði í starfi. Potter mætti til Chelsea fullur af bjartsýni eftir glæsislegan þjálfaraferil í …

Skýrslan Policy tools for sustainable and healthy eating - Enabling a food transition in the Nordic countries er unnin í kjölfar útgáfu Norrænna næringarráðleggina (Nordic Nutrition Recommendations) árið 2023 sem var afrakstur fimm ára vinnu hundruða sérfræðinga um ráðlagðar matarvenjur og næringu fólks á Norðurlöndunum og í Eystrasaltsríkjunum. Sú útgáfa hlaut mikla athygli enda í …

Bílaleigan Hertz stóð tæpt í lok heimsfaraldursins og þá tók forstjórinn Stephen Scherr þá djörfu ákvörðun að panta 100 þúsund bíla frá Tesla. Með þessu átti Hertz verða leiðandi í útleigu á rafbílum og vöktu viðskiptin mikla athygli. Ekki leið á löngu þar til Tesla hafði lækkað verðið á nýjum bílum umtalsvert og um leið …