Flóknara fyrir okkur en frændþjóðirnar að ferðast

Allir þeir sem ferðast til Íslands þurfa að sýna fram á neikvæða niðurstöðu í PCR-prófi eða hraðprófi. Íslenskir ríkisborgarar og útlendingar búsettir á Íslandi verða auk þess að fara í aðra skimun fyrir Covid-19 við komuna til landsins.

Á hinum Norðurlöndunum eru kröfur ekki svona strangar. Bólusettir farþegar þurfa ekki að fara í neina skimun, hvorki fyrir heimferð eða við heimkomu samkvæmt núgildandi reglum.

Á það bæði við um erlenda ferðamenn sem og íbúa Svíþjóðar, Danmerkur, Noregs og Finnlands sem hafa verið á ferðalagi í öðru EES-landi. Aftur á móti verður fólk að sýna fram á að það hafi verið bólusett fyrir Covid-19 eða náð sér eftir veikindi sem rekja má til veirunnar. Í Svíþjóð eru þó tilmæli um að fólk fari í próf við heimkomu.

Vegna aukinnar kröfu hér á landi þá þurfa Íslendingar að gera ráð fyrir töluvert hærri útgjöldum í tengslum við utanlandsferðina þessa dagana en frændur okkar.

Algengt verð fyrir PCR-próf í Evrópu er nefnilega um 100 evrur eða 15 þúsund krónur. Fjögurra manna fjölskylda greiðir því um 60 þúsund krónur fyrir prófið sem þarf að hafa til að komast heim til Íslands. Hraðpróf kosta um helmingi minna.

Til viðbótar við sýnatökugjaldið þá má reikna með ákveðinni fyrirhöfn að koma sér og sínum í sýnatöku. Svo ekki sé minnst á óþægindin.

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira