Innanlandsflug hefur verið óvenju stór hluti af starfsemi stærstu flugvalla Norðurlanda síðustu misseri. Alþjóðaflug hefur nefnilega dregist mun meira saman í heimsfaraldrinum en flug milli landshluta.
Af þeim sökum var samdrátturinn á Keflavíkurflugvelli mun meiri sl. vetur en til að mynda á flugvellinum við Gardermoen í Ósló.
Nú í júní snérist staðan þó við. Þá jókst flug til og frá Íslandi hratt og í samanburði við júní 2019 þá var niðursveiflan á Keflavíkurflugvelli í júní minni en á fjórum stærstu flugvöllum Norðurlanda.
Það varð svo aftur raunin nú í júlí þrátt fyrir að umferðin um alla flugvelli hafi aukist töluvert frá því sem var í byrjun sumars.