Hlutabréf sex norrænna flugfélaga eru skráð í kauphallir og helmingur þeirra flokkast sem lágfargjaldaflugfélög. Þar á meðal Play.
Og í vikunni sem senn er á enda þá lækkaði gengi bréfa þessa nýja íslenska flugfélags um fjóra af hundraði.
Niðursveiflan var ennþá meiri hjá norsku lágfargjaldafélögunum Flyr og Norwegian. Gengi þess fyrrnefnda er í dag komið töluvert undir útboðsgengið í lok síðasta vetrar. Þá kostaði hver hlutur fimm norskar krónur.
Lækkunin nemur því um fimmtungi en ef miðað er við hæsta gengið frá því í vor þá er lækkunin ríflega tvöfalt meiri.
Eins og sjá má á grafinu þá var SAS eina skráða norræna flugfélagið sem hækkaði í vikunni. Gengi Icelandair stóð í stað en Finnar lækkaði lítillega.
