Samfélagsmiðlar

Vilja stöðva ónauðsynleg ferðalög frá Bandaríkjunum

Ákvörðun ESB gæti haft þó nokkur áhrif á flugumferð um Keflavíkurflugvöll.

Umsvifin í flugi milli Evrópu og Bandaríkjanna hafa verið að aukast umtalsvert síðustu mánuði. Þróunin gæti þó orðið önnur eftir fund ráðamanna ESB í dag.

Innan Evrópusambandsins er mikill vilji til að leggjast gegn öllum ferðalögum að nauðsynjalausu til aðildarríkjanna frá Bandaríkjunum. Ástæðan er aukin útbreiðsla Covid-19 vestanhafs samkvæmt fréttum Wall Street Journal og New York Times.

Þar segir að ráðamenn ESB hafi síðastliðinn mánuð haft uppi áform um takmarka ferðalög frá Bandaríkjunum og endanlegrar ákvörðunar um málið sé að vænta í dag.

Í því samhengi má rifja upp að í lok síðasta vetrar ákváðu íslensk stjórnvöld, fyrst Evrópuríkja, að opna íslensk landamæri fyrir öllum bólusettum ferðamönnum. Líka þeim sem komu frá löndum utan Schengen svæðisins eða Evrópu. Síðan þá hafa Bandaríkjamenn verið lang fjölmennastir í hópi ferðamanna hér á landi.

Til viðbótar við það þá hefur fjöldi tengifarþega á Keflavíkurflugvelli verið að aukast hratt en það eru þeir sem millilenda hér á landi á ferð sinni milli Evrópu og Norður-Ameríku. Samtals voru tengifarþegarnir 51 þúsund í Leifsstöð í júlí og voru þeir næstum allir bókaðir í flug með Icelandair.

Gera má ráð fyrir að ef ESB ákveður að banna ferðir Bandaríkjamanna til Evrópu þá er mun það takmarka umsvifin í tengifluginu um Keflavíkurflugvöll umtalsvert. Jafnvel þó Ísland verði áfram opið fyrir Bandaríkjamönnum þó aðildarríki ESB loki sínum ytri landamærum á ný.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …