Þrátt fyrir bæði Wow Air og Norwegian hafi haldið úti tíðu áætlunarflugi til Tenerife á árunum fyrir Covid þá létu stjórnendur Icelandair nægja að fljúga til spænsku eyjunnar fyrir íslenskar ferðaskrifstofur. Þar á meðal Vita sem er reyndar í eigu Icelandair Group.
Nú í vor hóf Icelandair hins vegar að fljúga á eigin kostnað til Tenerife en ferðirnir til Alicante eru áfram á vegum Vita.
Og sætanýtingin í fluginu til þessara tveggja sólarstaða í sumar var mun betri en í flugi Icelandair til tveggja fjölmennustu borga Spánar; Madrídar og Barcelona. Sérstaklega kom Alicante betur út eins og sjá má á grafinu hér fyrir neðan.
Það var reyndar á brattann að sækja hjá Icelandair í Barcelona því félagið felldi niður fyrstu ferðir sumarsins og fór ekki af stað fyrr en í júlí. Sætanýtingin í flugi Icelandair til Barcelona var þó mun betri en hjá Play eins og sést á neðra grafinu. Bæði félög flugu þó ekki oft til Barcelona. Play tvisvar í viku og icelandair bara á laugardögum.