Af þeim borgum sem Icelandair flýgur til í dag þá tekur lengstan tíma að fljúga til Portland og Denver. Flugfélagið sjálft reiknar með átta tímum í ferðalagið til borganna tveggja á meðan flugferðin til Seattle og Orlando er að jafnaði 10 til 15 mínútum styttri.
Að undanförnu hefur Icelandair nýtt Boeing Max þotur í flug til bæði Seattle og Orlando og samkvæmt bókunarvef Icelandair stendur til að ferja farþega félagsins í fyrsta sinn til Portland og Denver í Max þotum nú í október.
Ásdís Pétursdóttir, upplýsingafulltrúi Icelandair, staðfestir að stefnt sé að því að nota þoturnar á þessum löngu flugleiðum nú í haust. En borgirnar tvær eru þær einu í leiðakerfi Icelandair sem Max þoturnar hafa ennþá ekki flogið til.
Ásdís bendir á að flugvélarnar hafi verið að koma betur út hvað varðar drægni og eldsneytisnýtingu en upphaflega var áætllað. Flugleiðin til Portland er um sex þúsund kílómetrar og drægni þotannna er 6.600 kílómetrar samkvæmt heimasíðu Boeing. Þar miðar flugvélaframleiðandinn reyndar við fleiri farþega en pláss er fyrir í Max 8 og Max 9 þotum Icelandair. samkvæmt heimasíðu Boeing
Í Boeing 757-200 þotunum sem Icelandair flýgur vanalega til Denver og Portland eru sæti fyrir 183 farþega. Max 8 flugvélar félagsins taka 160 farþega og í Max 9 gerðinni eru sæti fyrir 178 farþega.
Framboðið dregst því aðeins saman og segir Ásdís að árstíðarsveifla í eftirspurn sé líka ein af ástæðum þess að nýju þoturnar verða notaðar í flugi til Denver og Portland.