Miklu ódýrara að leigja bíl í Orlandó eftir áramót

Bandarísk stjórnvöld ætla núna í nóvember að hleypa ferðamönnum frá Evrópu inn fyrir landamærin á ný. Þar með verður bundinn endi á bannið sem Donald J. Trump, þáverandi forseti Bandaríkjanna, setti á ferðir Evrópubúa í mars í fyrra. Ekki liggur fyrir nákvæm dagsetning en talsmaður Hvíta hússins sagði að horf væri til fyrri hluta nóvember.

Íslendingar komast því til Bandaríkjanna á nýjan leik og gera má ráð fyrir að stór hópur fagni því enda löng hefð fyrir ferðum landans til Flórdía yfir vetrarmánuðina.

Bílaleigubíll er þarfþing fyrir ferðafólk í Orlandó verðið á þeim hefur hækkað þónokkuð í heimsfaraldrinum. Skrifast sú þróun meðal annars á minna framboði.

Það er þó ljóst að þeir sem bóka í dag bíl til afnota eftir áramót borga umtalsvert minna en hópurinn sem ætlar til Flórída nú í nóvember og desember. Þetta sýnir verðkönnun Túrista en þar var leitarvél Rentalcars nýtt til að bera saman verð á bílaleigunum við alþjóðaflugvöllinn í Orlando en þangað fljúga þotur Icelandair nokkrar ferðir í viku og þar á meðal á föstudögum. Sá vikudagur var viðmiðið í könnuninni.

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira