Samfélagsmiðlar

Svona er staðan í keppni íslensku flugfélaganna í Salzburg

Horft yfir Salzburg.

Áætlunarflug til Salzburg í Austurríki var fastur liður í flugáætlun Wow Air yfir háveturinn. Þar með komust íslenskir skíðakappar með einfaldari hætti upp í skíðabrekkurnar við fæðingarborg Mozart. Stjórnendur Play sáu svo tækifæri í að fylla skarðið sem Wow Air skildi eftir sig og hófu sölu á farmiðum til Salzburg um miðjan júní. Tveimur mánuðum síðar fylgdi Icelandair í kjölfarið en stjórnendur þess félags gera ráð fyrir lengri vertíð í Austurríki en starfsbræður þeirra hjá Play.

Hjá báðum félögum verða brottfarir frá Keflavíkurflugvelli á laugardagsmorgnum og því flogið heim frá Salzburg á sama tíma. Að því leyti er enginn munur á félögunum tveimur. Fargjöldin eru hins vegar töluvert ólík.

Í öllum tilvikum eru þau mun lægri hjá Play en Icelandair. Þar hefur bókunarstaðan líklega töluvert að segja og eins sú staðreynd að systurfélag Icelandair, ferðaskrifstofan Vita, nýtir þessar ferðir til að koma sínum viðskiptavinum á skíði til Austurríkis. Icelandair þarf því ekki að selja öll sætin sjálft í vélarnar en það verður Play hins vegar að gera.

Hafa ber í huga að hjá báðum flugfélögum þurfa þeir sem kaupa ódýrasta miðann að greiða aukalega fyrir innritaðan farangur og eins verður að greiða aukalega fyrir skíðin. Þar er verðskrá flugfélaganna líka ólík. Play rukkar meira fyrir flutning á skíðum á meðan töskugjaldið er hærra hjá Icelandair eins og sjá má hér fyrir neðan.

Þar sést líka að þær vikur sem Icelandair situr eitt að markaðnum þá eru fargjöldin nokkru hærri en Play rukkar. Það er kannski vísbending um að Play gæti fjölgað sínum ferðum til Salzburg en Wow Air hafði þann háttinn á að hefja flug þangað fyrir jól.

—–

30 daga áskrift á 300 krónur
Stór hluti af greinum Túrista er aðeins fyrir áskrifendur. Þú færð fullan aðgang í 30 daga fyrir aðeins 300 kr. með því að nota afsláttarkóðann „300“ þegar þú pantar áskrift hér. Að þeim tíma loknum er greitt fullt gjald (2.650 kr.) en alltaf hægt að segja áskriftinni upp.

Nýtt efni

„Metnaðurinn hjá hópnum er einstakur og það eru lífsgæði að starfa með jafn öflugu fólki og hér er að finna hjá Play,“ sagði Birgir Jónsson, forstjóri flugfélagsins, í tilkynningu um síðustu mánaðamót. Nú liggur fyrir að Birgir mun kveðja samstarfsfólk sitt um næstu mánaðamót, nokkrum dögum fyrir þriggja ára starfsafmæli sitt hjá Play. Frá þessu …

Nefnd Alþjóðasiglingamálastofnunarinnar (IMO) sem fjallar um verndun sjávar hóf vikulanga fundalotu í London í morgun þar sem m.a. verður rætt um aðgerðir til að draga úr losun CO2 frá kaupskipaflota heimsins. Vinnuhópur hefur fjallað um þau mál síðustu daga. IMO er stofnun Sameinuðu þjóðanna sem ber ábyrgð á öryggi og vernd skipa og vörnum gegn …

Í tilkynningu sem ráðuneyti sem fer með ríkiskaup Póllands sendi um helgina kemur fram að LOT standi nú frammi fyrir þeirri ákvörðun að halda sig við flugvélar brasilíska framleiðandans Embraer fyrir skemmri flugleiðir eða velja frekar vélar frá Airbus í Frakklandi. Leitað verður til beggja framleiðenda og þeir beðnir um tilboð í smíði 84 flugvéla …

Loftmengun hefur minnkað í Evrópu á síðustu 20 árum, samkvæmt nýrri spænskri rannsókn. Þrátt fyrir þetta sýnir rannsóknin líka að loftmengun víðast hvar í Evrópu er enn yfir heilsufarsmörkum.  Í rannsókninni, sem birtist í Nature, voru mengunartölur skoðaðar á 1.400 svæðum, innan 35 ríkja, þar sem 543 milljónir manns búa.  Þrátt fyrir að enn sé …

„Á tiltölulega skömmum tíma er orðið til öflugt íslenskt lággjaldaflugfélag með framúrskarandi vöru og þjónustu og bjarta framtíð. Virk samkeppni í flugi sem skilar sér í lægri fargjöldum, fjölbreyttum áfangastöðum og verðmætum erlendum gestum er sérstaklega mikilvæg fyrir eyju eins og okkar. Slík samkeppni varðar hagsmuni allra Íslendinga. Ég geng þess vegna ákaflega stoltur frá …

Hvað varð um Graham Potter? spyrja margir fótboltaunnendur nú þegar liðið er næstum eitt ár síðan þessi listhneigði fótboltaþjálfari stjórnaði fótboltaliði frá hliðarlínunni. Chelsea var síðasti áfangastaður Potters en þaðan var hann rekinn þann 2. apríl árið 2023 eftir aðeins sjö mánuði í starfi. Potter mætti til Chelsea fullur af bjartsýni eftir glæsislegan þjálfaraferil í …

Skýrslan Policy tools for sustainable and healthy eating - Enabling a food transition in the Nordic countries er unnin í kjölfar útgáfu Norrænna næringarráðleggina (Nordic Nutrition Recommendations) árið 2023 sem var afrakstur fimm ára vinnu hundruða sérfræðinga um ráðlagðar matarvenjur og næringu fólks á Norðurlöndunum og í Eystrasaltsríkjunum. Sú útgáfa hlaut mikla athygli enda í …

Bílaleigan Hertz stóð tæpt í lok heimsfaraldursins og þá tók forstjórinn Stephen Scherr þá djörfu ákvörðun að panta 100 þúsund bíla frá Tesla. Með þessu átti Hertz verða leiðandi í útleigu á rafbílum og vöktu viðskiptin mikla athygli. Ekki leið á löngu þar til Tesla hafði lækkað verðið á nýjum bílum umtalsvert og um leið …