Gistinætur útlendinga á hótelum hér á landi voru samtals 319 þúsund talsins í ágúst sl. eða ríflega þriðjungi færri en á sama tíma árið 2019.
Samdrátturinn á hinum Norðurlöndunum var miklu meiri og mestur í Noregi þar sem hann nam 72 prósentum. Í Danmörku og Svíþjóð fækkaði erlendu gistinóttunum um helming.
Í öllum löndum fækkaði gistinóttum útlendinga um nokkur prósentustig meira í höfuðborgunum en á landinu öllu eins og sjá má á töflunum hér fyrir neðan.
Það ber þó að hafa í huga að hótelrekstur á hinum Norðurlöndunum byggir mun meira á heimamarkaðnum en raunin er hér á landi. Til marks um það þá fækkaði gistinóttum á dönskum hótelum um 11 prósent í ágúst en um sextán prósent hér á landi.