Samfélagsmiðlar

Ennþá langt í 2019 tölurnar

Að jafnaði voru um sex af hverjum tíu sætum skipuð farþegum í flugi Icelandair í september.

Yfir 212 þúsund farþegar flugu með Icelandair í september síðastliðnum samanborið við tæplega 25 þúsund í sama mánuði í fyrra. Í september 2019 voru þeir hins vegar 447 þúsund talsins eða ríflega tvöfalt fleiri en að þessu sinni.

Það hefur komið fyrir nú í heimsfaraldrinum að farþegar Icelandair í innanlandsflugi hafa verið fleiri en í millilandafluginu. Svo er þó ekki lengur. Í september voru farþegarnir í alþjóðafluginu 191 þúsund en tæplega 22 þúsund nýttu sér ferðir Icelandair milli íslenskra flugvalla.

Sætanýting í millilandaflugi var 62 prósent og í tilkynningu frá Icelandair segir að óvissa vegna Delta afbrigðis kórónuveirunnar hafi haft neikvæð áhrif á nýtinguna. Að auki hefur Icelandair nýtt breiðþotur í stað smærri flugvéla á mörgum flugleiðum vegna mikillar eftirspurnar eftir fraktrými. 

Félagið flutti til að mynda 11 þúsund tonn í september 2019 en þau voru um 13 þúsund í síðasta mánuði.

„Flugstarfsemin hefur jafnt og þétt færst nær því sem hún var fyrir heimsfaraldur og vetraráætlunin okkar er um það bil tveir þriðju hlutar af áætlun ársins 2019. Við höfum lagt áherslu á að nýta sveigjanleika félagsins til að auka jafnt og þétt við starfsemina á liðnum mánuðum og mætt þeirri eftirspurn sem hefur skapast samhliða því sem rýmkað er á ferðatakmörkunum. Nú hafa bandarísk stjórnvöld tilkynnt um fyrirhugaða opnun landamæra sinna fyrir evrópska ferðamenn og lagt jákvæðara mat á stöðu faraldursins á Íslandi. Þetta eru mjög jákvæðar fréttir og verður þá á ný opið fyrir bólusetta farþega á milli allra okkar markaðssvæða í fyrsta sinn síðan ferðatakmarkanir hófust. Það ásamt minnkandi óvissu hefur nú þegar haft jákvæð áhrif á bókunarstöðu og vænta sætanýtingu næstu mánaða,“ skrifar Bogi Nils Bogason, forstjóri Icelandair samteypunnar, í tilkynningu.


Þú getur prófað áskrift að Túrista í 30 daga fyrir aðeins 300 kr. með því að nota afsláttarkóðann „300″. Fullt verð (2.659 kr.) eftir það en alltaf hægt að segja upp. SMELLTU HÉR

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …