Í maí og júní þá lét nærri að annar hver ferðamaður hér á landi væri bandarískur enda var Ísland þá eitt fárra landa í Evrópu sem bólusettir Bandaríkjamenn gátu ferðast til. Bandarísku flugfélögin Delta og United settu þá á dagskrá tíðarir ferðir til Keflavíkurflugvelli en nokkru sinni áður.
Þegar leið á sumarið þá opnuðu fleiri Evrópuríki landamæri sín gagnvart þjóðum utan álfunnar og í ágúst var hlutfall bandarískra ferðamanna hér á landi komið niður í 38 prósent. Þá hafði líka ferðafólki frá Evrópu fjölgað.
Í september fór vægi Bandaríkjamanna svo niður í 28 prósent samkvæmt nýrri samantekt Ferðamálastofu á skiptingu brottfararfarþega eftir þjóðernum. Endanlega talning á fjölda erlendra farþega hefur ekki verið birt.
Hlutfall bandarískra ferðamanna í september í ár er því álíka og það var á þessum tíma árs fyrir heimsfaraldur eins og sjá má á grafinu hér fyrir neðan.
Í fjölda talið er þeir bandarísku þó færri að þessu sinni því gera má ráð fyrir að þeir hafi verið um 38 þúsund í september eða níu þúsund færri í september 2019.