Markaðsvirði stærstu flugfélaga Evrópu og Bandaríkjanna lækkaði umtalsvert í vikunni. Gengi hlutabréfa í móðurfélagi British Airways og Iberia lækkaði um fimmtán prósent og virði Ryanair og easyJet fór niður um átta af hundraði.
Vestanhafs fór hlutabréfaverðið í sömu átt þrátt fyrir að uppgjör flugfélaga eins og United og Southwest hafi verið betri en almennt var gert ráð fyrir.
Þessar lækkanir á gengi flugfélaga er helst rakin til verðhækkana á þotueldsneyti og eins fjölgunnar Covid-19 tilfella, til að mynda í Bretlandi.
Og þessi þróun hafði líka neikvæð áhrif á hinum Norðurlöndunum. Gengi hlutabréfa í SAS, Norwegian, Finnair og Flyr lækkaði nefnilega þónokkuð í vikunni eins og sjá má hér fyrir neðan.
Hér heima rauk hins vegar gengi hlutabréfa í Icelandair upp í kjölfar uppgjörs félagsins á miðvikudag. Og virði Play hækkaði sömuleiðis.