Í þarsíðustu viku fór gengi hlutabréfa í Play upp um rúman fjórðung og í vikunni sem nú er senn á enda þá hækkaði það um sex prósent í viðbót. Markaðsvirði flugfélagsins hefur aldrei verið hærra og er núna rétt um 20 milljarðar króna. Verðmæti Icelandair er þrisvar sinnum hærra eftir níu prósent hækkun í vikunni.
Á sama tíma og gengi íslensku flugfélaganna fór upp á við þá lækkuðu hlutabréfin í hinum norrænu flugfélögunum sem eru skráð á markað. Dýfan var mest hjá Finnair en það félag á ennþá mjög langt í land með að ná sama flugi og fyrir heimsfaraldur.