Útlendingar keyptu í heildina 268 þúsund gistinætur á íslenskum hótelum í september og þar af stóðu Bandaríkjamenn undir 36 prósent af heildinni.
Á Austurlandi var vægi bandarísku gestanna þó mun lægra eða rétt um fimmtungur. Þar keyptu Þjóðverjar flestar gistinætur eða 2.540 samkvæmt talningu Hagtofunnar eða fjögur hundruð fleiri en Bandaríkjamenn bókuðu. Aðrar þjóðir voru mun minna áberandi fyrir austan eins og sjá má á grafinu hér fyrir neðan.
Í öllum öðrum landshlutum voru Bandaríkjamenn með langflestar gistinætur og hlutfallið var hæst á Suðurnesjum.