Það flugu 37 prósent færri útlendingar frá Keflavíkurflugvelli í síðasta mánuði í samanburði við október í hittifyrra. Erlend kortavelta dróst hins vegar hlutfallslega mun minna saman eða um fjórtán prósent. Það voru nefnilega nokkrar þjóðir sem eyddu meiru hér á landi í síðasta mánuði í samanburði við október 2019.
Þar munar mestu um þær viðbótar 565 milljónir sem Bandaríkjamenn skildu eftir hér á landi þrátt fyrir að bandarískum ferðamönnum hafi fækkað um nærri tíund. Kortavelta Þjóðverja jókst líka umtalsvert eða um fimmtung sem er nákvæmlega jafn mikið og aukningin varð í komum þýskra ferðamanna samkvæmt talningu Ferðamálastofu.
Hollendingar, Ítalir og Spánverjar eyddu líka meiru núna en í október 2019 eins og sjá má á töflunni.