Fresta gistináttaskatti til 2023

Tímabundin niðurfelling á gistináttagjaldi var meðal þeirra efnahagsaðgerða sem stjórnvöld gripu til þegar heimsfaraldurinn hófst í fyrra. Til stóð að gjaldið yrði tekið upp aftur nú um áramót og tekjur ríkissjóðs af gjaldtökunni yrðu 695 milljónir króna á næsta ári samkvæmt samþykktri fjármálaáætlun.

Í fjármálafrumvarpi nýrrar ríkisstjórnar, sem birt var í morgun, er aftur á móti lagt til að framlengja niðurfellingu á gistináttaskattinum til loka árs 2023. Er það gert í ljósi stöðu ferðaþjónustunnar eins og segir í frumvarpinu.

Í stjórnarsáttmála ríkisstjórnarinnar er boðuð endurskoðun á gistináttagjaldinu. Þar er þó ekki horft til þess að fella gjaldið niður heldur aðeins að sveitarfélög fái líka hluta af gjaldtökunni til sín. En líkt og Túristi fór yfir í gær er íslenska gistináttagjaldið að miklu leyti frábrugðið því sem þekkist til að mynda á meginlandi Evrópu. Á hinum Norðurlöndunum hefur gistináttaskattur ekki verið innleiddur.

Í tillögum Samtaka ferðaþjónustunnar að endurreisn atvinnugreinarinnar í kjölfar heimsfaraldurs er meðal annars lagt til að gistináttaskatturinn verði afnuminn. Eins og staðan er núna kemur hann þó til sögunnar á ný eftir tvö ár ef fjárlagafrumvarpið verður samþykkt óbreytt.

—
Þú færð aðgang að öllum greinum Túrista í 30 daga fyrir 300 krónur með því að nota afsláttarkóðann „300″ þegar þú pantar áskrift. Í framhaldinu fullt mánaðarverð (2.650 kr.) en alltaf hægt að segja upp.

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira