Ótti við að aukin útbreiðsla kórónaveirunnar dragi úr ferðalögum fólks er líklega helsta skýringin á því að gengi hlutabréf í norrænum flugfélögum tóku dýfu í vikunni.
Þannig lækkaði gengi norsku lággjaldaflugfélaganna Flyr og Norwegian um fimmtán af hundraði. Finnair og SAS, sem eru að meirihluta í opinberri eigu, lækkuðu aðeins minna. Virði íslensku flugfélaganna tveggja hélt sér betur eins og sjá má hér fyrir neðan.
Því fer þó fjarri að þessar lækkanir hafi bara einkennt norrænar kauphallir í vikunni. Gengi bréfa í stærstu flugfélögum Evrópu og Bandaríkjanna fór nefnilega líka verulega niður á við og sama má segja um ferðabókunarsíður eins og Booking, Airbnb og Expedia.