Í áætlunarferðum talið þá dróst umferðin um Keflavíkurflugvöll saman um 29 prósent í október í samanburði við það sem var á sama tíma í hittifyrra. Eins og gefur að skilja er framförin mikil þegar horft er til október á síðasta ári því þá voru umsvifin mjög takmörkuð.
Það gefur því betri mynd af batanum að horfa til þess tíma þegar ástandið var eðlilegt. Og það er ennþá töluvert í land. Þannig stóð Icelandair fyrir 37 prósent ferðum núna, til og frá landinu, en í október 2019. Niðurskurðurinn í Íslandsflugi Easyjet er mun meiri eða ríflega helmingur eins og sjá má á neðra grafinu.
Wizz Air sem hefur lengi verið umsvifamesta erlenda flugfélagið á Keflavíkurflugvelli hefur líka skorið niður og stóð í október fyrir jafn mörgum ferðum til Íslands og Play gerði. Þar með eru félögin tvö í öðru og þriðja sæti á eftir Icelandair á listanum yfir umsvifamestu flugfélögin.