Dohop verðlaunað

Íslenska tæknifyrirtækið Dohop hefur hlotið verðlaun World Travel Tech Awards í flokki bókunarvéla. Verðlaunin eru afhent í fyrsta sinn í ár, en þau eru hluti af hinum virtu World Travel Awards. Dohop var stofnað árið 2004 og hefur frá upphafi haft höfuðstöðvar í Reykjavík.

Í tilkynningu er haft eftir Davíð Gunnarssyni, framkvæmdastjóra Dohop, að þrátt fyrir allt hafi árið verið frábært ár hjá fyrirtækinu. „Að vinna fyrstu World Travel Tech Awards fyrir okkar tækni kórónar þann ágæta árangur. Þetta er mjög mikil viðurkenning fyrir okkur og það alþjóðlega starf sem við vinnum fyrir notendur okkar. Við viljum fyrst og fremst þakka öllum þeim sem kusu okkur fyrir að standa þétt við bakið á okkur. Auk þess væri þetta ekki hægt án þess frábæra hóps sem vinnur hjá Dohop.“

Síðastliðin ár hefur stefna Dohop breyst mikið því nú snýst reksturinn ekki lengur út á að aðstoða notendur við að finna hagstæð flug. Í staðinn knýr tækni Dohopstór verkefni á vegum easyJet, Air Transat og Air France ásamt því að tengja saman stór net flugs og lestarsamgangna í Evrópu.