Rúmlega átta þúsund farþegar flugu milli Íslands og Tenerife í nóvember og það voru ekki laus sæti fyrir mikið fleiri farþega.
Sætanýtingin hjá Icelandair var til að mynda 88 prósent og 86 prósent hjá Play.
Þetta er umtalsvert betri nýting en félögin tvö náðu heilt yfir í áætlunarflugi í síðasta mánuði. Það er því ekki undra stjórnendur Icelandair og Play ætli að leggja ennþá meiri áherslu á að fljúga Íslendingum til sólarlanda á næsta ári. Þannig hefur Play bætt við ferðum til Tenerife og Alicante og starfsemi Vita færist brátt að mestu inn á skrifstofur Icelandair.
Félögin tvö eru þó ekki einu um að flytja Íslendinga til Tenerife því ferðaskrifstofurnar Úrval-Útsýn og Heimsferðir bjóða líka upp á leiguflug þangað. Framboð á vegum þessara tveggja var þó minna í nóvember en upphaflega stóð til.
Af þeim sökum voru flugfélögin enn meiri yfirburði en áður í farþegafluginu til Tenerife því í nóvember lét nærri að níu af hverjum tíu farþegum sem flugu héðan til spænsku eyjunnar sætu annað hvort í þotum Icelandair eða Play.
