Fréttir

Icelandair fylgir fordæmi Lufthansa og SAS

18. desember 2021

Efri röðin sýnir útlit þota Lufthansa, SAS og Icelandair fyrir breytingar. Í neðri röðinni er útlit eftir breytingar sem SAS og Lufthansa gerðu árið 2018. Neðri myndin af Icelandair þotu er tölvuteikning sem Mogginn birti í dag. Myndir: Flugfélögin sjálf og tölvuteikning Mbl.

Frá aldarmótum hefur vörumerki Icelandair verið í gulum lit í auglýsingum félagsins og eins á stélum flugvélanna. Guli liturinn hvarf úr markaðsefninu nýverið og brátt gerist það sama á flugvélaskrokkunum sjálfum líkt og Túristi fjallaði um í haust.

Mbl kynnir þessar breytingar Icelandair í dag og birtir tölvuteikningu af nýju útliti þotanna. Sú sýnir vel að Icelandair ætlar að gera mjög sambærilegar breytingar á stélum sinna flugvéla og bæði Lufthansa og SAS gerðu árið 2018.

Fyrir breytingu var blái liturinn hjá þessum tveimur félögum aðeins á stélinu sjálfu líkt og verið hefur hjá Icelandair. Eftir breytingar hjá SAS og Lufthansa er skrokkurinn undir stélinu líka blár en sá flötur byrjar á skálínu. Þá leið ætlar Icelandair líka að fara eins og sjá má á myndinni hér fyrir ofan. Nýjungin hjá íslenska félaginu er þó sú að setja línu í öðrum lit inn á bláa flötinn.

Fréttir

Bókunarflæðið að jafna sig eftir skjálfta

Undir lok síðasta mánaðar sáu stjórnendur Icelandair sig tilknúna til að vara fjárfesta við neikvæðum áhrifum jarðhræringa á Reykjanesi á bókanir. Í dag hefur ástandið ekki eins mikið að segja því í nýrri tilkynningu er haft eftir Boga Nils Bogasyni, forstjóra Icelandair, að „einhverra áhrifa gæti enn til skemmri tíma á bókanir og tekjur en … Lesa meira

Fréttir

Túristi fær nýtt nafn

Fljótlega breytist Túristi í FF7 – Frásagnir og fréttir alla daga og klæðist nýjum búningi. Áfram verða ferðamál í öndvegi en leitað fanga víðar, birtar frásagnir og fréttir af umsvifum fólks og fyrirtækja – og einfaldlega sagt frá því sem fólk gæti haft gaman af að lesa. Ritstjórar FF7 verða Kristján Sigurjónsson (útgefandi og ábyrgðarmaður) … Lesa meira

Fréttir

Grænlendingar auka innheimtu gjalda af skemmtiferðaskipum

Grænlenska landsþingið, Inatsisartut, hefur samþykkt að hefja að nýju innheimtu sérstaks gjalds af farþegum skemmtiferðaskipa og tvöföldun á gjaldi sem stærri skipin þurfa að greiða og álagningu sérstaks innviðagjalds.

Fréttir

Evrópusambandið frestar tolli á rafbíla

Bílaframleiðendur í Bretlandi og á meginlandi Evrópu fagna því að ESB ætli að fresta fyrirhugaðri gjaldtöku af rafbílum og framleiðsluhlutum þeirra.

Fréttir

Norwegian hægir á en íslensku félögin gefa í

Þrátt fyrir stærri flugflota þá hafa stjórnendur Norwegian valið að fækka ferðunum nú í vetur í samanburði við þann síðasta. Þessu er öfugt farið hjá Icelandair og Play.

Fréttir

Ólífutréð í hlýnandi heimi

Meðan þráttað er um það á COP28 í Dúbæ hvernig draga megi úr notkun jarðefnaeldsneytis á næstu áratugum horfa grískir ólífubændur óttaslegnir á afleiðingar hlýnunar andrúmsloftsins fyrir framleiðslu þeirra. Uppskerubrestur blasir við á þessu ári, eins og víðar í ólífuræktarlöndum.

Fréttir

Ódýrara þotueldsneyti bætir stöðu flugfélaganna

Icelandair og Play borguðu samanlagt 48 milljarða króna fyrir eldsneyti á þotur sínar fyrstu níu mánuði ársins. Verðbreytingar á olíumarkaði hafa því skiljanlega mikil áhrif á reksturinn. Til marks um það vöruðu stjórnendur flugfélaganna fjárfesta við versnandi afkomu í byrjun september þegar verð á þotueldsneyti fór yfir 1000 dollara á tonnið á ný. Skráðu þig … Lesa meira

Fréttir

Sala á kínverskum Tesla-bílum minnkar

Sala á kínverskum Tesla-bílum minnkaði um 17,8 prósent í nóvember miðað við sama mánuð í fyrra. Á sama tíma jókst sala helsta keppinautarins, BYD.