Samfélagsmiðlar

Isavia á rétt á bótum vegna þotu Wow

Deilan um kyrrsetningu á einu af þotum Wow Air var tekin fyrir á öllum dómstigum í hittifyrra. Nú fyrir jól féll svo nýr dómur í skaðabótabótamáli Isavia gegn eiganda sínum og bandarískri flugvélaleigu.

Þota Wow Air sem Isavia kyrrsetti í mars 2019. Þotan er í dag í flota flugfélagsins Latam en það hefur verið í greiðsluskjóli síðan heimsfaraldurinn hófst.

Sjö af þeim níu Airbus þotum sem voru í flota Wow air undir það síðasta voru í eigu flugvélaleigunnar Air Lease Corporation. Ein þessara þota var kyrrsett á Keflavíkurflugvelli í kjölfar gjaldþrots flugfélagsins í lok mars árið 2019 og fóru stjórnendur Isavia fram á að leigusalinn gerði upp ríflega tveggja milljarða króna skuld flugfélagins við Keflavíkurflugvöll.

Forstjóri Air Lease Corporation sagði af því tilefni að krafa Isavia um að fyrirtæki hans gengist í ábyrgð fyrir ógreiddum flugvallagjöldum Wow Air væri ófyrirleitin og óskiljanleg.

Kyrrsetning þotunnar fór stuttu síðar fyrir héraðsdóm. Niðurstaða dómsins var sú að eigandi þotunnar væri aðeins ábyrgur fyrir ógreiddum flugvallargjöldum sem rekja máttu til þessarar ákveðnu þotu en ekki heildarskuldar Wow Air við Keflavíkurflugvöll. Í því samhengi má rifja upp að kyrrsetta þotan var sú sem var í raun sú sem var með stysta skuldahalann.

Isavia áfrýjaði ákvörðun héraðsdóms til Landsréttar sem komst að þeirri niðurstöðu að ekki væru að finna neinar takmarkanir á umfangi þeirra gjalda sem heimilt væri að þvinga fram greiðslur á með því að aftra för loftfars.

Hæstiréttur ómerkti þennan dóm Landsréttar. Deilan kom því á ný inn á borð Héraðsdóms Reykjaness og þar kvað dómari upp þann úrskurð að eiganda þotunnar væri heimilt að flytja þotuna frá landinu. Isavia stefndi í kjölfarið Air Lease Corporation og íslenska ríkinu vegna þess tjóns sem fyrirtækið telur sig hafa orðið fyrir vegna þessa úrskurðar.

Héraðsdómur dæmdi svo fyrir jólin íslenska ríkið og flugvélaleigunar sjálfa til að greiða Isavia rúma tvo og hálfan milljarða króna vegna saknæmrar háttsemi dómara við Héraðsdóm Reykjaness sumarið 2019. Ekki liggur fyrir hvort málinu verður áfrýjað en þess ber að geta að Isavia er í eigu íslenska ríkisins að öllu leyti.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …