Samfélagsmiðlar

Leigja tvær Max þotur

norwegian vetur

Í dag notast Norwegian aðeins við eldri gerðir af Boeing 737 þotum en brátt bætast við nýjar Boeing 737 Max vélar.

Norwegian gerði samning við Boeing árið 2012 um kaup á eitt hundrað Boeing 737 Max þotum. Félagið náði að taka nokkrar þeirrar í notkun áður en allar flugvélar af þessari gerð voru kyrrsettar í mars árið 2019 í kjölfar tveggja flugslysa.

Þegar heimsfaraldurinn skall á í framhaldinu og þá vildu stjórnendur Norwegian losna undan samningi sínum við Boeing. Vísuðu þeir meðal annars til þess að vélarnar væru augljóslega gallaðar og eins hefði orðið meira en eins árs dráttur á afhendingu þeirra.

Ekki er búið að greiða úr þessum ágreiningi Boeing og Norwegian en nú í morgunsárið tilkynnti norska lággjaldaflugfélagið engu að síður að gengið hefði verið frá samningi um leigu á tveimur Max þotum. Þær eru báðar af minnstu gerð, Max 8, en á tímabili nýtti félagið þess háttar þotur í Íslandsflug sitt frá Stokkhólmi.

Nýju flugvélarnar bætast fljótlega við flota Norwegian og í tilkynningu er haft eftir forstjóra þess að leigukjörin séu hagstæð. Félagið borgi aðeins fyrir þá klukkutíma sem flugvélarnar eru í notkun en þannig kjör fékk Play líka á þeim þremur þotum sem félagið er með í dag.

Það kemur einnig fram í tilkynningu Norwegian að félagið geti skipt út Max þotum tveimur fyrir Airbus flugvélar af nýjustu gerð þegar fram líða stundir. Í dag samanstendur floti Norwegian af eldri gerðinni af Boeing 737 en félagið náði samkomulagi við Airbus í fyrra um að falla frá samningi á kaupum á 88 Airbus A320 og A321neo þotum.

Það hefur komið fram í máli stjórnenda Icelandair að félagið leiti eftir þremur Max þotum til leigu fyrir næsta sumar.

Þú færð aðgang að öllum greinum Túrista í 30 daga fyrir 300 krónur með því að nota afsláttarkóðann „300″ þegar þú pantar áskrift. Í framhaldinu fullt mánaðarverð (2.650 kr.) en alltaf hægt að segja upp.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …