Samfélagsmiðlar

Skera niður stærstan hluta af fluginu milli Íslands og Ítalíu

Ferðirnar héðan til Rómar eftir áramót verða miklu færri en lagt var upp með.

Á sama tíma og erlendum ferðamönnum hefur fækkað umtalsvert þá stækkar hópur ítalskra ferðalanga á landinu. Síðustu þrjá mánuði komu hingað um sex þúsund fleiri Ítalir en á sama tíma árið 2019. Skýringin á þessari jákvæðu þróun liggur í stórauknu framboði á beinu flugi til Keflavíkurflugvallar á vegum Wizz Air.

Þotur félagsins hafa síðustu mánuði flogið hingað reglulega frá Mílanó, Napólí og Róm en á þessum tíma árs hafa flugsamgöngur milli Íslands og Ítalíu vanalega legið niðri. Icelandair hefur til að mynda aldrei haldið úti vetrarflugi til Ítalíu.

Fyrstu þrjá mánuði næsta árs gerði áætlun Wizz Air ráð fyrir um eitt hundrað flugferðum til Keflavíkurflugvallar frá ítölsku borgunum þremur. Samkvæmt talningu Túrista hefur félagið hins vegar fellt niður um tvær af hverjum þremur ferðum. Þannig hefur allt Íslandsflug frá Napóli verið sett á ís fram á vorið og aðeins nokkrar ferðir verða farnar frá Róm.

Ferðir frá Mílanó verða þó með nokkuð hefðbundnum hætti þó færri en upphaflega var lagt upp með.

Sumaráætlun fluggeirans hefst formlega í lok mars og núverandi áætlun Wizz Air gerir ráð fyrir að félagið taki að nýju upp tíðar ferðir til Íslands frá ítölsku borgunum þremur og einnig frá Feneyjum. Það verður í fyrsta sinn sem áætlunarflugi er haldið út á þeirri flugleið.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …