Það voru 75 þúsund erlendir farþegar sem innrituðu sig í flug á Keflavíkurflugvelli í nóvember en þessi talning hefur lengi verið nýtt til að meta fjölda erlendra ferðamanna á Íslandi. Bandaríkjamenn og Bretar voru fjölmennastir í hópnum eða um þriðjungur af heildinni.
Leita þarf aftur til nóvember árið 2015 til að finna álíka fjölda erlendra brottfararfarþega samkvæmt frétt á vef Ferðamálastofu.
Frá áramótum hafa um 623 þúsund erlendir farþegar flogið frá Íslandi sem er þriðjungs aukning frá sama tíma í fyrra en aftur á móti nemur fækkunin tveimur þriðju þegar horft er til 2019.