Fyrir heimsfaraldur var Keflavíkurflugvöllur kominn í fimmta sætið á listanum yfir fjölförnustu flughafnir Norðurlanda. Árið 2020 var þó sérstaklega slæmt fyrir íslenska flugvöllinn sem skrifast á þá staðreynd að þar ekki í boði neitt innanlandsflug.
Á hinum norrænu flugvöllunum takmarkast starfsemin nefnilega ekki við alþjóðaflug og því fyllti innanlandsflugið upp í hluta af því skarði sem niðurskurður á áætlunarflugi út í heim skyldi eftir sig. Keflavíkurvöllur féll því niður í níunda sætið á norræna listanum.
Á nýliðnu ári urðu flugferðir milli landa tíðari og farþegum í Leifsstöð fjölgaði umtalsvert. Fór fjöldinn upp í 2,2 milljónir sem dugði til að fara framúr flugvöllunum í Þrándheimi, Stafangri og Gautaborg á listanum yfir fjölförnustu flughafnir Norðurlanda.
Eins og sjá má á listanum þá er langt í að umsvifin á þessum flugvöllum verði í líkingu við það sem var áður en Covid-19 setti allt úr skorðum.