Miklar hækkanir á gengi hlutabréfa flugfélaga einkenndu fyrstu daga ársins í norrænum kauphöllum. Gengi SAS, stærsta flugfélags Norðurlanda, hækkaði þannig um fimmtung en seig svo aðeins fyrir helgi.
Hækkun vikunnar hjá SAS nemur engu að síður um tólf af hundraði og sömu sögu er að setja af Norwegian. Icelandair hækkaði álíka mikið.
Gengi norska nýliðans Flyr féll aftur á móti umtalsvert en skýringin á því liggur komandi hlutafjárútboði félagsins þar sem ætlunin er að safna 250 milljónum norskra króna. Sú upphæð jafngildir um 3,6 milljörðum kr. Á miðvikudagsmorgun tilkynntu forsvarsmenn Flyr að gengið í útboðinu yrði 0,95 norskar kr. á hlut. Það var 57 prósentum undir gengi hlutabréfanna daginn áður. Og lækkunin er miklu meiri ef horft er til hlutafjárútboð félagsins í mars í fyrra þar sem hver hlutur kostaði 5 norskar krónur.
Í vikulegum samantektum Túrista á gengi norrænna flugfélaga í fyrra voru aðeins sex flugfélög á listanum en núna eru þau sjö. Skýringin er sú að Norse Atlantic hefur fengið flugrekstrarleyfi en viðskipti með hlutabréf í félaginu fara fram í norsku kauphöllinni.