Ásókn Þjóðverja í gistingu á Suðurlandi jókst töluvert í byrjun vetrar og hingað komu fleiri þýskir ferðamenn í haust en á sama tíma í fyrra.
Í september, október og nóvember flugu til að mynda 32 þúsund Þjóðverjar frá Keflavíkurflugvelli sem var aukning um nærri tíund frá sama tímabili árið 2019. Brottförum erlendra farþega fækkaði aftur á móti um fjörutíu af hundraði.
Í nýliðnum desember var þróunin í Íslandsferðum Þjóðverjar hins vega álíka og annarra þjóða. Því samkvæmt talningu Ferðamálastofu flugu rétt um tvö þúsund og sex hundrað þýskir farþega frá Keflavíkurflugvelli í síðasta mánuði en þeir voru ríflega fjögur þúsund í desember 2019.
En þó þýsku túristunum hafi fækkað í lok síðasta árs þá komu til landsins fleiri ferðamenn frá Danmörku, Ísrael og Ítalíu en í síðasta mánuði ársins 2019. Heimsfaraldurinn setti svo öll ferðalög úr skorðum stuttu síðar og þá fækkaði ferðafólki hér á landi sem annars staðar gríðarlega.
Og ennþá er þróunin á neikvæð og í nýliðnum desember munaði mest um samdráttinn í komum þessara fimm þjóða.