Samfélagsmiðlar

Nýta næturnar í flug til Evrópu á nýjan leik

Umferðin um Leifsstöð í kringum miðnætti eykst á ný næsta sumar.

Í sumar verður hægt að fljúga héðan til Berlínar klukkan korter í eitt á nóttunni og lenda í þýsku höfuðborginni í morgunsárið.

Eitt af því sem einkenndi sumarvertíðarnar á Keflavíkurflugvelli var mikill fjöldi flugferða til Evrópu stuttu eftir miðnætti. Sumarið 2012 var til að mynda sjötta hver brottför á dagskrá fyrstu tvær klukkustundir sólarhringsins. Þoturnar lentu svo árla morguns á meginlandinu þar sem klukkan er tveimur tímum á undan á sumrin.

Airberlin var stórtækast í þessari útgerð enda bauð félagið vanalega upp á næturflug héðan til sex þýskra borga yfir sumarmánuðina. Þýska félagið fór hins vegar á hausinn árið 2017 og sumarið eftir felldi Icelandair niður sitt næturflug til Evrópu. Umferðin um Keflavíkurflugvöll snarminnkaði þar með á þessum tíma sólarhringsins.

Nú horfa stjórnendur Icelandair aftur á móti til þess að nýta næturnar á ný því á heimasíðu félagsins er í dag hægt að bóka næturflug héðan til Berlínar, Munchen, Parísar næsta sumar. Til viðbótar verða líka næturferðir til Kaupmannahafnar en þær hafa verið bókanlegar í lengri tíma líkt og Túristi fjallaði um í haust.

Þoturnar sem halda til meginlandsins eftir miðnætti snúa aftur til Keflavíkurflugvallar milli hálf níu og níu morguninn eftir. Það er nógu tímanlega fyrir þá farþega sem eru á leið beint til Boston en þangað munu þotur Icelandair fljúga klukkan 9:40 alla morgna næsta sumar. Næturflugið til Evrópu eykur því ekki bara valkosti þeirra sem eru á leið milli Íslands og Evrópu heldur líka þeirra sem ætla að fljúga alla leið til Boston.

Auk Icelandair þá bjóða flugfélögin Lufthansa, Eurowings, Czech Airlines, Wizz air og fleiri félög upp á brottfarir frá Keflavíkurflugvelli stuttu eftir miðnætti.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …