Samfélagsmiðlar

Of langt í næstu brottför til Búdapest

wizz budapest

Wizz Air er eina félagið sem heldur úti áætlunarflugi héðan til Búdapest.

Íslenska karlalandsliðið tók Ólympíumeistara Frakka í bakaríið á Evrópumeistaramótinu í handbolta í gærkvöld. Sigurinn var sérstaklega sætur í ljósi þess hversu margir leikmenn Íslands voru fjarverandi eftir að hafa greinst með kórónuveiruna. En segja má að fréttir af þeim forföllum hafa dregið úr áhuga Íslendinga á að ferðast til Búdapest þar sem Evrópumótið fer fram.

Icelandair felldi nefnilega niður hópferð sína á leikinn í gærkvöld vegna of lítillar þátttöku samkvæmt því sem segir á heimasíðu flugfélagsins. Ferðaáætlunin gerði ráð fyrir flugi til höfuðborgar Ungverjalands í hádeginu í gær og heimkomu nú í kvöld. Þessi pakkaferð átti að kosta 99.900 krónur á mann.

Wizz Air er eina flugfélagið sem heldur úti áætlunarflugi milli Íslands og Búdapest en því miður er ferðirnar fáar nú í ársbyrjun. Aðeins flogið vikulega og næsta brottför á dagskrá laugardagskvöldið 29. janúar. Þá er bara úrslitaleikurinn eftir á Evrópumótinu en vissulega möguleiki á að í þann leik mæti íslenska liðið og þá vonandi fullskipað.

Þeir sem vilja vera öruggir með flug út til Búdapest fyrir þann leik geta bókað far með Wizz Air á laugardagskvöldið og heim þriðjudaginn eftir. Flugmiðinn kostar að lágmarki 110 evrur eða um 16.100 krónur.

__
Viltu prófa áskrift að Túrista? Þú færð fyrstu þrjá mánuðina fyrir aðeins 3.000 krónur í stað 6.750 kr. Áskriftin endurnýjast á fullu verði eftir þrjá mánuði en alltaf hægt að segja upp. Notaðu afsláttarkóðann „3000″ þegar þú pantar áskrift hér.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …