Kortavelta í tollfrjálsri verslun hér á landi nam 4,6 milljörðum króna í fyrra en langstærsta hluta þessarar upphæðar má rekja til fríhafnarverslanna í Leifsstöð.
Það eru að mestu íslensk kort sem eru notuð til að greiða fyrir tollfrjálsan varning en vægi þeirra fer þó lækkandi. Á nýliðnu ári voru innlend kort notuð til að greiða fyrir 63 prósent af veltunni en það lækkun um fimm prósentustig frá árunum 2018 og 2019. Vægi erlendu kortanna hefur því hækkað úr tæpum þriðjungi upp í 37 prósent.
Aftur á móti eiga miklu fleiri útlendingar en Íslendingar leið um Leifsstöð. Þannig voru erlendir brottfararfarþegar ríflega þrefalt fleiri en þeir íslensku í fyrra samkvæmt talningu Ferðamálastofu. Það má því draga þá ályktun að það sé mun líklegra að Íslendingur versli í fríhafnarverslunum flugstöðvarinnar en útlendingar.
Sem fyrr segir vor greiðslukort notuð til að greiða fyrir tollfrjálsan varning upp tæpa fimm milljarða í fyrra. Lækkunin nam um sjö milljörðum frá árinu 2019. Aftur á móti hækkaði veltan um einn og hálfan milljarð frá árinu 2020 samkvæmt því sem lesa má út úr gagnagrunni Rannsóknarseturs verslunarinnar.
