Erlend greiðslukort voru notuð til að greiða fyrir vörur og þjónustu hér á landi fyrir rúmlega 7,2 milljarða króna í janúar. Það er nærri helmingi lægri upphæð en í janúar 2020.
Sem fyrr eru það greiðslukort gefin út í Bandaríkjunum sem oftast eru straujuð og stóðu þau undir þrjátíu prósent af erlendu veltunni í janúar. Það er aðeins hærra hlutfall en í janúar 2020 eins og sjá má á töflunni hér fyrir neðan. Aftur á móti dróst notkun breskra korta hlutfallslega saman.
Þegar allri erlendur kortveltunni í janúar er deilt niður á fjölda erlendra brottfararfarþega á Keflavíkurflugvelli þá er niðurstaðan sú að hver og einn þeirra hafi eytt um 106þúsund krónum á landinu. Það er sex prósent minna en á sama tíma árið 2020. Það verður þó að hafa í huga að Íslendingar búsettir í útlöndum nota mögulega oft erlend kort þegar þeir heimsækja Ísland og útlendingar búsettir hér á landi eru vafalítið með íslensk greiðslukort. Þessir tveir hópar skekkja því myndina.
